22
Oct
我和奶奶都忘了，昨日是寶寶一百日。寶寶你已一百零一天大了，感覺如何？
服裝贊助鳴謝：之唔係本地blog 界名人Alex Chow 囉。Alex Chow 係邊個？你唔係唔識呀？我專登唔比link 架，哈哈。
* * *
今日壓軸節目本來是我們仨一起看曼聯 Vs. 利物佬，可惜老公臨時被徵上班，結果只剩下我湊住件扭計的人仔，真是掃興。
21
Oct
今日又到打針針之大日子，因為之前的經驗，故專程預約星期五，請半天假帶他到健康院，寶寶打完針後有甚麼狀況，我也可以星期六請假整日陪伴，又不會打亂工作。
打針針前磅重，上個月是6.29kg，三個月零一星期的寶寶是7.38kg，護士說以寶寶的年紀是「超乎超重」；我聽到「超重」二字當場呆了一呆，「乜人奶B 會超重咩？」不過她說寶寶是母乳餵哺，所以平日食幾多安奶也沒有所謂，繼續feed on demand。寶寶的體格應是得到老公的遺傳，因為老公三個月大時已十分壯，大人只需單手扶著他便站得筆長。今早我餵完奶後，父子倆一同看車仔麵對巴塞，寶寶看得手舞足蹈，難道他認得波歷克？
還記得寶寶第一個星期我保持每兩小時至兩個半小時餵奶，第二個星期因為寶寶有點黃疸，嚇到仍然保持每兩小時至兩個半小時餵奶，第三個星期醫生說可feed on demand，之後以為可以輕鬆點，不用常常拍醒寶寶食奶，誰知此後寶寶變得很扭計，不肯睡覺，常常要人抱，間中還會哭鬧，幸好家人沒有因此怪責我，因為常人總覺得初生兒的哭鬧跟餵人奶有關，如「BB 食人奶唔飽」，「你d 奶無營養」，「你無奶」，但是寶寶每天有足夠濕的尿布，加上每星期增重ok，加強了自己的信心。在此要多謝視我如親女兒的奶奶，唔出聲當supportive 的老公，及盟友和網友的鼓勵，沒有你們的支持我不知怎渡過當時的日子。
我的目標是餵到六個月大，畢竟日後我要進修和出差。現時已達標一半，今後還要繼續努力泵泵泵、餵餵餵，好好享受這段奇妙的經歷。
20
Oct
MacGrass 見報！繼上次被蘭桂坊英語系中產雜誌HK Magazine 介紹後，今次AM730 是不是走入群眾？
所以要不要小看本地博客，我們絕對不會差得過其他國家的博客，Macgrass 兩位主人，請繼續好好經營這片小麥草地。
小麥草地兩位主人是指電鋸和我吧！？實情我近三個月已沒有在MG 寫過甚麼，每日弄兒為樂，已不能像從前日看25+ Mac rss，房中的cutting-edge-design-state-of-art-technology-AAPL Q2 出貨量過百萬集上網和home media center 於一身的iMac CoreDuo 已變成cutting-edge-design-state-of-art-technology-AAPL Q2 出貨量過百萬的「iPod 差電機」，看到中環博客的評價，有點慚愧。
本文不許留言，想恭喜我們的朋友請到電鋸那邊。
19
Oct
前日lunch time 同Tiney 傾電話之後心情舒暢精神爽利，仲好輕易咁泵到六安半添～
最近又穿多兩包冰奶，不過已經無之前咁激動，因為無左咪儲過囉，又唔係無貨～已經開了第三盒奶袋，即是說我已儲過五十包冰奶。
上星期唔知痴左邊條筋，回家邊餵邊泵的產量略跌，平日朝早會有四五安，上星期得去到盡只得三安，星期三的總量仲short 左一安奶，追奶追得很累，以致令我明白 - I have tried my best, I have no regrets. 當所有辦法也試盡亦不見預期中的成果，只能豁出去不問結果的努力做去下。到了星期五情況回復正常，最近解決了在公司以最快最簡單的方法消毒奶泵：
雖然奶泵可以不用每次用後消毒，礙於心理因素加上考慮到在公眾地方衛生情況，堅持每次消毒，因為公司沒有pantry，只有飲水機和微波爐，參考過其他奶媽的方法，如以熱水過一過，用消毒丸浸又或是乾脆放入雪櫃，我便靠僅有的資源 - 飲水機和微波爐。方法簡單：我在吉之島嬰兒部買了Chu Chu 出的微泳爐奶樽消毒袋，大概是六十元有五個，每個袋可翻叮二十次，尺寸大小剛好入到拆散的Avent 手泵，lunch break 泵完奶後先以食水清洗奶泵，再以熱水再過之，然後倒70ml 食水(袋有指示線) 於消毒袋叮三分鐘就消毒完成！
臨放工前又可以用奶泵，不用用手擠咁辛苦。
仲有就係我寫email 比老闆解釋餵人奶的好處，產假時餵得好好決定繼續餵落去，再解釋每日在公司泵奶的情況如每日泵幾次每次幾耐，希望他明白BB 的需要，佢回覆我話好支持仲話泵幾耐都得，而且傾電話時佢都知幾多餵人奶的野(如最好餵到一歲)，未放產假前他教我放前二後八，現在又咁支持我餵人奶，你話佢幾開明！
16
Oct
我要多謝一個人佢就係我老公！
多謝你話我知邊度有得買Pingu 的甲衣點知我訂左之後要到中銀入數好衰唔衰中銀真係好唔就腳我平日返工抽唔到時間去佢話星期一幫我入今朝臨出門前比d 資料佢啦點知佢又要有附帶條件先幫我結果最後我要滾水淥腳咁仆去中銀排條水蛇春咁長的隊入數之後再趕返工期間佢反問我下午去入唔得咩！？咁Seriously 如果我自己可以去就唔會搵你幫我入數in the first place！Lunch break 我狼吞虎嚥咁食完飯後要留時間泵奶之後洗野消毒留待第二次泵奶用咁seriously 如果我lunch break 行得開就唔會搵你幫我入數in the first place！多謝你連我lunch break 要泵奶都唔知！我去得到使鬼叫你咩大少！你估我其實真係好想搵你幫我架！？唔想幫就咪懶好心咁話等我去啦唔想去早講等我早d 起身自己去囉！刀5gd人貓心太 （｀´）怒怒怒 (」｀□´)」＜怒怒怒怒怒怒～
多謝你今日搞到我心情超差！多謝你搞到我連搭車同食飯時都無心機用iPod 睇Lost 0301！為左答謝我一定會學靚太唔易做的范冰咁樣出陰招整到你求生不得求死不能仲慘過比人斬去手腳終生被困酒酲中！你一定會後悔！一定會後悔！一定會後悔！Thank you for everything!!!
14
Oct
在二十一世紀後千禧 web 2.0 勝利媒體擁抱 blog 的年頭，我是否需要為寶寶註冊一個domain？一個Gmail？一個Flickr？一個del.icio.us？
* * *
三個月了！三個月了！三個月了！
最近常希望時光可以倒退，回到寶寶初生的時候，那時他每次食完一邊要小休一會回魂食第二邊，那段日子可以天天也粘在一起，不像現在，每天一早一晚才埋身餵幾次，中午在公司洗手間泵奶，有時泵得累想放棄，偏偏會有第二次噴奶，個人即時生猛晒，又再重燃希望；有時想不如中午不泵吧，但想到不定時泵奶，奶量會降，又嚇到唔敢唔泵，不過假若有天奶量降至「清晒倉」要「借貸渡日」，我亦不會自責，因為I’ve tried my best, I have no regrets. 這是我當在職奶媽兩星期的覺悟。
r00t!
部份很有共鳴，沒有不同意的部份，because old news is so exciting!!!Mario Brothers rock! Nintendo rulez! YouTube kicks ass!!!Apple Daily is the world’s most modern newspaper I’ve ever seen!
