28
Jun
26
Jun
學曹博士話齋：「科學求真．知識救港」，我也要偽科學地分析世界盃。
圖上所見是 G 組小組成績表，瑞士是三十二隊中唯一一隊沒有在小組比賽中失球的隊伍，從此可推算：瑞士是今屆黑馬、瑞士有個穩如泰山的後防、同組對瑞士的隊伍都會變軟蟹。分析完畢。
25
Jun
上場狀態低沈今場波腳風不順的波歷克。鏡頭常影住坐後備的簡尼，無計啦，家陣打得咁後，個後防又咁新，係要個跳脫 d 的列文頂住架喇，你明架啦。
*首次用 Comic Life。
24
Jun
哈哈！標題是拙劍園園主的，不過形容得很貼切呢。
陳生說世上沒有 bad publicity，只有 publicity，咁今次「小忌廉羅生門」咪就係「publicity stunt」囉。星媽想多人相信的話，唔該比多兩錢肉緊，母女倆要聲淚俱下地要求平反，咁我或會 buy 多少少o既，個女比人搞到咁，我都心痛啦。不過可能呢個係下一步要下的祺都唔定。
點解生果日報對呢單新聞隻字不提呢？真係好想知道佢地會點寫。
24
Jun
大陸的Back dorms boy 同美國的Bak Choy Boys 相比，略嫌未夠班囉，唔係話外國月亮圓d，而係「白菜仔」除了大肆挖苦boy band 之外，仲改編歌詞自己唱埋，兼且個music video 的拍攝 / 剪接同舞步也接近專業水平，係呀，人地呢d 先叫「接近」專業水平咋，都仲停留於アマ級數，而唔係郁d 都話「配音與剪輯一流，具備專業水準」呀！
P.S Bak Choy Boys 呢個music video 是我2004 年的舊post。
23
Jun
戲未上映，比比樣先。
新超人後生又靚仔拍得住當年的 Christopher Reeves，不過略嫌新超人 Brandon Routh 個樣帶脂粉氣，不及 Christopher Reeves 咁man。難怪有傳他是 gay 先至被同志導演睇中。
22
Jun
如果我們可以對 promote child pr0n 視而不見，我真係覺得我們個社會好變態，變態過高官傳媒齊抽水的票選我最想非禮女藝人，變態過邊睇邊鬧女藝人晒奶 / (扮)被偷拍 / 走光的八卦雜誌兼起色心，變態過歐美文明社會 (終於都超英趕美)。
我對於「外國萬能論」之類的訴諸權威 / 匿名權威 / 訴諸大眾 / 一廂情願之邏輯謬誤十分反感。請不要說歐美日等社會皆有渲染兒童色情之雜誌或報導，當地也有不少反對聲音，你又有否留意？
在網上已看見不少聲討文章，遲一點我會收錄在此。
