My Life as Open Source

近日工餘要幫高層 K 整理他和太太六月中的日本自助遊，機票是用飛行里數換取，加上遲換，受到不少限制，本來北海道之旅變左「九洲關西遊」，而且要在九洲住六晚，高層 K 於N 年曾去過九洲遊玩，加上他唔想買每人 20000 Yen 的 JR 九洲七日 Pass，鹿兒島、阿蘇、宮崎同熊本他不會去的了，所以他只去博多 / 福岡，長崎同豪登斯堡，略略定了行程，也要在博多 / 福岡作三日市內觀光，參考過日本自遊易 的日遊前輩三杉淳早年編寫的日本通用行程表-九州篇 (*)，發覺博多 / 福岡作三日市內觀光是有困難，因為根本沒有甚麼地方值得玩三日咁耐，不過話說回來，當作「行到邊食到邊」的悠閒遊也可。

六月的日本沒有甚麼特色和大型的祭り，夏天時令果物諸如車厘子 (七月)，桃 (8月上旬〜9月中旬)，藍莓 (7月下旬〜8月中旬) 和蜜瓜 (8月上旬〜8月中旬) 統統都未當造，六月去日本都幾悶，不過最抵是遇上豪登斯堡酒店有初夏promotion，住 Hotel Den Haag，二人package 只需 31000 Yen，包入場費，早餐住宿 (房間有無敵海景)和一個自選節目，Hotel Den Haag 雖不是園內最豪華的酒店，不過外形同房間的裝修都好靚，日本仔做事均真，照片與實景無誤，保證不會有國內同胞黃金週旅遊住宿貨不對辦的情況，terms and conditions 絕無取巧，兩千一百多元港紙便可享受日本仔打造的仿歐洲文明主題公園旅遊平台，真是十分超值！

* 日遊網的討論區現時關閉，出自三杉淳前輩的通用行程表一字不漏地在網上隨處可見，不過大部份都無註明出處兼落三杉淳個名，不知道該網網主是否三杉淳前輩呢？

上次到北海道旅行都有追看「裏ワザ」呢個早晨節目，呢條片是 Tiney 給我的，試驗中十個寶寶六個成功，哈！原來寶寶聽到覺得「bu bu」聲會覺得舒服。

昨日看了 X3，不過不失啦，最攞命係戲中的女角們呈了一點老態，第一眼見靈鳥博士，心想：「嘩！靈鳥博士，你無化妝呀？咁殘o既個樣！？」一向無乜戲份的羅剎都係，個樣已經不似十八廿二的青春少艾。如果話 X3 係最後一套，咁下一集可能同Scary movie 4 一樣寫著：X4：The fourth and final chapter of the trilogy. 因為做完後有字幕叫人留低睇片尾，我們亦坐多幾分鐘撈埋汁先走。

看完 X3 後沒事幹，去了永安八卦一下，碰著永安全店八折的最後一天，買了一套 Peter Rabbit 的bedding set (七折)，順便買了盒Avent 的newborn starter kit 和奶泵，還有幾包軟邊的紗巾，因為人太多了，所以只買到幾盒東西。走佬袋要執兩條毛巾來包BB，不知道帶普通的大毛巾好還是買毛巾質地的包巾好呢？我在 Mothercare 看到有一包三條的毛巾質地的包巾賣二百幾(平日普通款的要百多元一條)，而質地靚的大浴巾之前有人送了兩條給我 (結婚禮物)，不過買 Mothercare 的包巾可以日後用番，唔…

今個星期會去買產後用品。

婚禮飲宴，新人入場前多會播放短片介紹兩人的成長和結識經過，我亦不例外，不過我覺得平日看到的短片，播放格式都頗為行貨，老土的情歌加一張張飛開的相片，有點悶，所以專誠請來盟友Gabriel 幫手，整左條星戰 feel 的短片，茲因內容過於肉麻和 .Mac bandwidth 有限，現只設放映一天。多謝欣賞。

去片。

配樂並非出自六集 Star Wars，因為每一集的收尾部份也會有些少分別，而且較短，我選了這首來自 Great Composers: John Williams 大碟的main title，因為它長達 5 分鐘有多。

P.S 感謝盟友們的幫助和支持！！！

我得廿幾歲咁後生，當然是無緣欣賞電視播放的V 型電磁俠，不過聰哥哥就不同了，他的童年正正遇上機械人狂熱潮，近幾年萬代的超合金魂系列，就是為了迎合這批「少年の心を持った大人たち」(給擁有童真的成年人)。今次翻叮的V 型電磁俠，是由五架飛機合體組成，當時聰哥哥年紀尚小，買V 型電磁俠的重任落在年長五年的哥哥身上，家姑規定每次測驗成績好的話便可以買一架飛機，結果大伯不負所望，花了約一年半載的時間買齊五架飛機，睇番當年的電視廣告，原來DX boxset 要成8700 Yen 架！好貴呀！今次翻叮的 V 型電磁俠聰哥哥都有買，而且難得個機械人用現時的目光來看算十分有型，同 80s 的合體機械人差不多。將來教仔就要講：「仔呀，唔好玩爸爸 d 玩具呀，唔係比你玩架。」不過我懷疑阿 B 可能會嫌棄爸爸的玩具，因為現在的爆龍戰隊機械人可電動行走，hi-tech 好多。時世唔同了，仮面ライダ 變身方式都變左，邊似得細個時候咁，揮兩下手就變身，現在用携帯，幾潮呀！

前排聰哥哥講起他小時玩玩具的習慣，他會把玩完的機械人逐件逐件放回原來的包裝盒，再放入櫃內存起，絕不會丟失飛拳有時會把櫃內一盒盒的機械人取出從新編排次序，相比起我，小時候的Barbie 衫褲或鞋，有時買回來不足一個月便會散失，不知道寶寶將來會似我還是他呢？

呢張相係出自玩具日報，大碼的就是1978 年版，中碼是現時的超合金魂，chibi 係扭蛋，嘩！原來當年個機械人係咁大件，Yahoo 更有得bid 「買新送舊」(or vice vera) 的V 型，我都想知最終可以賣出幾多錢。

呢首係 V 型電磁俠主題曲。/AsySound.swf?http://www.naitik.net/music/CombattlerV.mp3

* * *
呢個網站收錄左好多卡通片片頭同結尾，但so far 只能在XP PC 看到，希望網主有心將所有片段upload 上You tube 啦！(我發現某些片真的可以在you tube 找到！)

上星期五返袁醫生處產檢，因為之前有人遲到，所以等了半小時，剛好Tiney 來到醫務所樓下，她便跟我一齊入去看照超聲波，醫生話寶寶的大小像32 週，體重是1.8 kg，情況係「very good」。

* * *
上星期六回醫院聽講座，今次課題是「產後護理」，大部份的內容我都知道，所以有點悶，不過坐我後面附近有條白痴仔，好心佢啦，都做人老豆，成熟小小唔好咁幼稚啦，姑娘一句佢一句，講埋d 白痴野，諸如幻燈片的圖畫畫得唔好，看到初生嬰兒的相大叫好核突等等…我忍唔住回頭望佢一眼，原來佢老公婆又真係好後生…兩個加埋都唔知有無五十歲…

今日到母嬰健康院例行檢查，體重是57.9 kg，比起上一次重左好多，不過用一個月的鎊數來計，每星期的體重遞增率屬正常，梗係啦，早兩個星期比阿B 頂住個胃食唔到野都唔知幾慘呀，係呢兩個星期先可以食番多d 野追番鎊數咋。

前日跟冬冬 匆匆見面，好多謝佢送左套黃色的衫仔比阿B，我家姑係上海人，佢話上海人鐘意小朋友著黃色衫，因為黃色代表老虎咁話喎，湊巧地，之前聰哥哥在日本玩具反斗城買左兩套衫仔，同好友Z 送了兩套衫仔，都係黃色。

今個星期日要去買BB 用品，不再是眼望望和紙上談兵了。

今朝做了科學實驗，將bagel 同一盒鮮奶一齊放入微波爐叮一分鐘，得出的結果是個包熱辣辣，盒奶凍冰冰。

* * *

想講好耐，公司部電腦係用緊Peter 的作品做wallpaper。