My Life as Open Source

冬冬：

買JR Pass 的話你細佬要在美國買定喎，我在香港買，格晒價旅行社最多比8% discount，在東京坐新幹線可以在網上訂飛(好多terms 要跟，記得睇清楚)，東京去京都的新幹線時間表，用JR Pass 只可以免費坐こだま (Kodama) 同ひかり (Hikari)，後者行車時間較快。坐新幹線去京都可睇到富士山，不過我唔記得要坐左定右面，有無人記得呀？

想食好味餐廳？我覺得中文遊旅書唔夠新，去到東京買本新鮮出版的Tokyo Walker 看看有甚麼新介紹啦，跟住佢食同玩唔會走雞。

睇番你個plan 先：
如果真係如Katana 所言遊客不能入魚市場內八卦，咁就不要去築地了，東京四圍都可以食到新鮮同抵食的魚生，唔一定要去築地。

組織一下你想去的地方：
駒込 - 六義園
淺草 - 淺草寺
上野 - 下町風俗資料館
上野 - 東京国立博物館
銀座 - Sony Building
東京站 - 皇宮
原宿 - 明治神宮

首要check 他們的開放時間咁先決定到次序。我假設全部都開門，駒込 > 上野 > 淺草 其實好鬼順路架，不過我估你地一日行唔到咁多地方，所以只好一日內去上野同淺草，找半天去駒込，銀座同東京站的皇宮可以同一日去，原宿可以攝時間。你決定住邊同去邊後我再給你一個完整的路線圖吧。

我去日本玩會買rurubu 呢本天書作參考。呀，我今年無得去旅行，我都替你興奮呀！

冬冬：

問題逐題答。

1. 從成田機埸出市區坐京成特快會快一點，成田機埸 > 日暮里(轉車) > (JR山手線)池袋，全程大概1 小時30分吧。

2. 我可以肯定池袋可以行到你投降。

3. 從池袋去京都？首先要坐地鐵到東京站，之後搭新幹線のぞみ (nozomi)，全程2 小時33分，車費單程13,320円。但是你只有三天半時間，我建議還是留待下一次才去京都吧。

4. 我只是路過歌舞妓町，雜唔雜？我都唔知呀，淨係見到d 黑鬼在扯皮條囉，除非你去搵孟波啦，如果唔係都係少去為妙。

5. 對我來說Tokyo Tower 無乜吸引…..

6. 要買Sanrio 的東東，看看他們的shoplist 就知那裡有分店，池袋就有一間，另外如果有時間應該去下田園調布果間鋪，間屋係個strawberry，好得意架！

7. 行Ghibli museum 的話，我想半天乜都睇晒，其實間館好細架咋，去之前記得在美國買定飛同check 下乜時間開門，網址。

如果我係你，三日半大概會咁玩：
澀谷行半日，新宿行半日，台場行半日(Venus Fort 係個好靚的shopping mall，女仕必去)，六本木行半日，秋葉原同銀座行半日，自由之丘又行半日(有個專食甜品的美食廣場！！！)，之後亂咁行…..

* * *
Kitson：一般來說我去旅行會選舒適一點方法，我上兩次去玩係買JR Pass，車費我都唔會慳，坐8 小時巴士咁辛苦，咪搞！

看到冬冬年尾到東京玩，在她的留言冊寫了兩句，勾起我的心癮，越寫越長，所以寫在這裡給你參考好了。

一般而言，對於初次踏足東京同方向感差的人我不會建議住新宿，除了怕「錯在新宿」之外，新宿JR 站好鬼大，大型的出口不止是分中央口同東南西北五個，仲有分「東南口」等等，所以找出口會較花時間，行錯路的話都會幾甘，加上坐車的時候又要忙著找月台，所以我會建議住池袋，一來車站規模較小，二來池袋的交通都好方便，好多經常要搭的JR 同地鐵線在池袋都搭到，去銀座咩？搭地鐵！去新宿同澀谷？坐JR 崎京線！食同玩又同新宿一樣咁多姿多彩喎，池袋太陽城有幾個美食廣場出名多野食，合你心水吧？

至於住那間酒店，相信很多有日遊經驗的網友都會知我會介紹邊間，無錯！就是東橫Inn！你可以住池袋北口 1 號館（Ikebukuro Kit-guchi No.1），從北口走出來直行四分鐘就到，一個人七千Yen，平靚正！附近酒吧同居酒屋林立，入夜後好熱鬧，我曾在半夜見過醉酒街頭的日本上班族 / 酒吧的mama-san / 在酒吧內唱歌的band，出門有fans 送迎。

唯一缺點是北口要行樓梯上地面，你一個人要拿行李會幾辛苦，另一個要注意，我多口提句，就係太夜就不要一個人落街買宵夜，我之前曾在forum 看過有人夜晚十一二點在池袋北口被飛仔打劫，搶晒銀包內的現金，但相信我唔講你都會自己小心。

我住過四間東橫Inn，每間都好滿意，所以誠意介紹給你。

常聽說phishing 的報導，終於給我碰到，收到封email 說我 paypal account 加了新email，如果無加過的話就去改番，click 入email 的link 去到此網站，個網址假成咁，嘩！好驚呀，想套我的paypal 資料。

看過不少網站都在K 寫或是K 吹任天堂Revolution 的手制，反而Mozilla 另一得意之作的Camino 出左1.0a 版暫未見有人提，唉！世界真不公平，同樣是Open Source，在Mac 上表現比Firefox 更快且更符合蘋果的HIG 要求，卻遭冷落，大家不是很關心開放源碼？嚷著要奪網嗎？…..anyway，Camino 的1.0a 版，各位沒有用過的Mac user 應去試用一下。

Camino 有幾好？論功能可能不及Safari 完善(至少它沒有RSS)，但肯定比Safari 快，請看舊文。

找找新plugin 和新theme 試玩，現在我用這款跟Tiger 相似的WP 後台。

回來之後有很多事要catch up，哎！

剛才上日文課，哎！頭一課聽不懂老師說甚麼。之後跟同學和老師食飯，原來大家都報考三級。我去年考了，很可惜只差四分才及格。今年嘛，唉，學習方面沒進步過，費事去做炮灰了。

聰哥哥買了黑色iPod nano 給我，不過無貨，要等。哎，好心急！這是我第五部iPod，也是第一部彩色顯示的iPod。

不過冷靜過後，有些少後悔，因為我看到GameBoy Micro 紅白機紀念版，仲正！不過價錢一點不便宜，大部份店鋪賣$9xx，GBA SP 都係呢個價咋。看機時有父母帶小朋友來買機，看著小朋友拿在手上試機，哈，好得意！而且玩GameBoy Micro 時不怕別人從旁偷看，個screen 咁細，側少少已經看不見了~

我現在才留意到卡樂B 得票多過珍珍好多，下？原來珍珍無乜人喜歡？唉！我又做了「弱勢社群」！我是挺珍珍薯片，萬歲！