My Life as Open Source

起身無耐阿聰來電，我們不約而同地想，不如躲在家裡打機咯！結果無去行山，因為懶。

打左成日Super Mario USA，闖入第五排的第一關喇終於！雖然係 GBA，但係好難玩呀！任天堂班友真係有心機開發呢個遊戲，有好多唔同的野令難度提升。好難好難至過關。

同阿聰食完lunch 後去Blockbuster 租野睇，坉n左隻「榴槤飄飄」我無乜心水所以無所謂，曾經試過幾次放假時租了些嚴肅題材的電影睇，結果睇完成個人呆左，個腦實晒，久久不散，所以以後租野睇搵些輕鬆一點的戲睇，每次在Blockbuster 時總很迷惘，唔知租乜好，要睇的戲於戲院上映時已睇左，舊戲都無乜心機想睇，加上數年前一次burn coupon 行動真係乜舊戲都差不多掃清，如是者次次都唔知做乜，呆呆的望住架上的影碟。然後又去左吉之島買野食，呢幾日無乜點理，我諗辛苦減果兩磅睇怕又加番，於是到左吉之島我又空手而回，乜都無買，忍住的過程幾辛苦架！連橙汁都無買呀！

花了下午的時間睇「榴槤飄飄」，開頭第一隻碟都幾好，點知套戲後面的情節悶悶地，開始無乜心機，睇到一半阿聰就訓著左喇，我睇完之後又玩左陣Mario，上左一陣網望一望鐘已7 時許咁就一日。。。。虛度的光陰總比返工時過得快。

累了，明日再續吧！

起身無耐同細佬去左銅鑼灣的戰略高手打機，玩左個幾鐘我就走先，今次join 左班中學生玩，都幾搞笑。離開左戰略高手後經過樂文，立即跑上那樓梯，一進門看見陳慧出左本新書，一堆棟在當眼之處，第一時間拿起一本，行左兩個圈，不斷提醒自己無太多時間去看書，不要再買，最後急急付錢鬆人，其實我仲想買Winifred 的個人裝備，村上的Sputnik sweetheart，但還是算了。。。遲點再算。連賣雜誌的Tower 都無去，免得又忍唔住買，點解要咁慳呢，cuz I’m broke…月中已經搞成咁，月尾情況不能想像，噫，我月尾已經飛去玩，所以唔需要擔心月尾啦。

上到去阿聰都未訓醒，衰仔康無call 我地，我地又搵唔到佢，四點幾打電話來說已行了一半港島，約齊食飯又唔制，結果唯有睇番場戲，做番d 假期會做的事情，上網篤左兩個位，下午五點幾出門去食壽司，又食。。等左一陣便有位，坐著吃了兩三碟發覺轉來轉去仍舊是那些東西，從迴旋軌看上去全是一連橙色的壽司，唔係三文魚就係蟹籽，食到悶，今次並無食最鍾意的蛋壽司同付皮，因為果間整得唔好食，經常被人笑愛食這兩款壽司，話唔抵喎，其實好食的蛋壽司同付皮真係會好好味，睇將太同阿蔡瀾都有講過啦，呢兩樣係好難整好難控制，不過其他人唔|明，講多都晒氣，我唔明點解要魚生至好食，又唔明點解有些人可以食一大塊肉做晚餐咁大件扒我頂唔順，肉淋淋，諗起都怕。下次試下食關西風味的壽司先。

食完野我倆無著外套，結果去左老 Gor 每人買左件衫仔，以防睇戲時凍到雪雪聲。之後又行左陣時代，忍唔住買左件三sprit 小背心。Robert de Niro 做戲永無失手，做賊做差佬都一樣掂，雖然係老，不過仲好有型，反而Christian Bale 就差了一點，he’s too sissy to be a cop, 所以今次唔係做差佬，一個接近擔正的角色，夆渙merican Physco 正d. 成套戲幾好睇，有點緊張，結局都ok。吳君如曾經話Robert de Niro 好out，話細細個已經睇，來來去去無乜突破，如果係咁的話，我細細個都睇吳君如做戲啦，所以佢都好out，所以無乜人搵佢拍戲!哈哈！衰在 Robert de Niro 都宜家都仲有戲拍，最out 仲要係票房好。

收到Pazu的電郵通知現身在湖南，仲叫我多去自助旅遊，嘩！談何容易！自助旅遊的話我|好懶，懶得|圍去，無人迫我係唔掂。想起Heloise去美國所過的恬靜生活，對於我來說過一會的話還可以，因為賤骨頭，過得耐就|悶，這樣的生活像退休，正如Pazu ，他住過與世隔絕的農村，住了幾天便有點受不了，走到悠閑城市住又不太習慣，去到成都才明白他是很世俗的，要在大城市車水馬龍的地方漫步。其實一開始都明知架啦，我們|忙忙碌碌去生活，又怎能夠適應悠悠蕩蕩的生活呢，唔多唔少會唔慣。

原本已經在大力的家，點知因為自己的堅決，對windows 的厭惡，還有其他無謂但又激死人的因素，我還是趕返屋企搵Sheeta 幫手。

早上勉勉強強起身，去到科學館時間尚早便排定隊等dipsy，人龍頗長，怪不得一早售罄，排隊時望見有一班日本人經過樓下，幾個女的一個男的，一起進入科學館，心諗乜遊客都去科學館﹖老dip 同她同事Toby準時在開場時間到，結早排頭幾個位的我最後入場，坐在第一行才知原來庵野同女角及原著小說作者Ayako會出席，適才那班日本人便是庵野同Ayako和助手們，倆簡單地介紹說是第一次拍戲希望你喜歡和打招呼後便開場。一幅又一幅間場的黑底反白華康細明體漢字，不景氣的工業區，連購物街的店鋪全都關了門，荒置的火車站，兩個人連名字都沒有，男主角是岩井俊二，影片裡充斥著庵野的新世紀福音戰士的畫面，連故事都相似的地方，人與人之間疏離的開係，每個人心裡寂寞得可怕，女主角透得一些無厘頭的儀式去忘記自己的傷痛，每日念念有詞說「明天是我的生日」，穿著誇張圖案衫裙腳踏紅鞋兒挽著紅雨傘四處逛，跟每天身穿黑衣服的男主有很大的對比，男的對她好奇，於是便跟著她，拿著攝錄機以她拍攝對像，漸漸去了解她，女角在情緒最低落時會躺在浴缸喃喃自語，同明日香一樣，綾波麗的配音聲優林原惠幽幽念出女角的內心獨白，她楚楚動人的聲音把本來孤苦的獨白念得更寂寥，聞者心酸，彷彿那就是自己的心聲。配樂跟EVA 都是單調重複寂然傷悲的琴聲，連內心的爭扎都同淀真治綾波麗差不多，呀！簡直係EVA 的變奏！完場後有個小小的交流會，有人問庵野為甚麼喜歡拍這題材同那些影像﹖庵野木口木面簡單說因為自己在神戶的工業區長大，那些影像有些是像徵某東西，有些是只不過自己喜歡，而且他覺得拍那些題材感到很幸福。有人問他為甚麼主角們都是來自破碎家庭的﹖是不是自己的現實寫照﹖庵野說自己的父母健在並無離婚一切正常。有人問原著小說作者Ayako 是不是以自己的經歷作故事，她笑了說都是虛構的，又有人問是不是受到某影嚮而寫出這個故事，她又笑了說這是自己虛構寫出來，是表達人與人的距離愈來愈遠，連自己逃避自己。很快十分鐘到了，我們找了他們簽名同合照留念，真係發夢都無諗過可以同庵野老師簽名和合照，仲親口講左句Evagelian wah dai ski desu! 他回應說Thank you! 嘩！好開心呀！興奮左成日，衰在事前唔知乜都無帶出來！只簽在記事帳上，不過都好開心同滿足！

時間關係就此收筆！

朝早望見外面有陽光， 以為唔|太凍， 穿上黑色短袖cashmere深紫色裙 。 外披薄外套出門。走到街上涼意陣陣。

返到公司食完份早嚏A 幹掉昨夜餘下的小奶牷A 轉眼又食lunch 了! 飯後進入半休狀態， 乜都唔想理， 轉下wallpaper 換下 icon ， 玩弄著同事歐洲公幹帶回來的意大利玻璃吊飾。 祈求放工時間快到! 眼見他忙著做善後末牷A 我卻在躲懶，哈哈！一直順利到收工。

昨晚上網， 老dip icq傳訊問我電影節睇左乜戲， 我答她只有阿飛， Betty’s blue dir’ cut 因為時間配不上， 她有睇Betty’s blue dir’ cut 仲話好正!!! 哎呀!! 告訴她我式日的遭遇， 她竟然有多餘戲飛!!!問我去唔去， 嘩! 立即話冇問題， 實在係太好喇!

長期睡眠不足， 個樣好殘好殘好殘， 明天點見人!?

我宜家最想就係換左隔離個menu ，鬼咁核突！但唔知乜事故又link 唔到出。

Heloise話好鍾意堅守信念的人， 堅守信念的人有很多，將太便是另一個我鍾意的人。作為x-philes 的我更加想講多點，唔係我角度正，而係果集的確係咁， Moulder一段情深的獨白感動了我。 X-files的信念 「I want to believe」 Scully初初的skeptic 到現在差不多深信不疑， 中間經過很多很多的事情， 他們倆人當中互相扶持， 頭三季案件多是大自然怪異現象， 靈異事件有關，那些案件其實早在我小時黎悀悀曈曭漫_聞版已經背的琅琅上口，讀書都冇咁叻！三年班時養成的每日噫曭熔葴D多得UFO同外星人所賜！我仲會細心地剪低留作紀念，除了UFO，外星人，火星會說話的人面石，大海裡的巨型墨魚，鬼魂，人體自燃，甘迺迪暗殺大陰謀到貓王仍在生等都係我剪報範圍內，剪埋剪埋貼左十幾本厚厚的剪貼冊，同學們一直稱我怪胎，說沒有UFO同外星人云云，因為他們都在剪明星剪報，相信明星多過外星，直到六年班發覺新聞開始重覆，便沒有再剪，舊同事阿輝竟然同我一樣，小時都愛那奇聞，天天日報的忠實小讀者，嘩！立時有相逢恨晚的感覺，要是小學時碰上他便有人同的分享那些世界奇聞，一些科學都無法解開的迷，後來知道那些所謂奇聞只不過從小報得到的小道消息，無聊到啤一聲！例如湖怪，相傳有湖怪出現，小鎮變了旅遊景點，湖畔更有一間賣紀念品的店子，湖邊經常發現大腳印，後來發生接二連三有人慘被咬死案件，當地人懷疑係湖怪的所作所為，Moulder 同Scully 坐船出湖觀察，碰撞擱淺於湖心，四周黑得伸手不見五指，兩人不諳水性，坐在甲板上傾計，夜空一片星星，把湖面照藍，傾著傾著聽到異聲，強光一照，村民手持電筒問他們發生甚麼事，原來船隻擱淺之處距離岸邊只不過一腳之隔，再有湖邊攝影師被咬死，相機倒地時影低湖怪的「芳蹤」，黑黑一團巨大物體，湖怪把甚至吃掉Scully 的小狗，把穿著大腳板正在印大腳印的紀念品店子老闆咬死，最後原來一切都是大鱷魚覓食所以搞出人命，二人在夜空星星下望著平滑如鏡的湖面，說了一些話， Scully 話根本就無湖怪，然後自行離去，Moulder 苦笑一下，望了一|便轉身，鏡頭影著藍色的湖面，一片漣漪，湖怪真的露面。後來那些靈異案件乾塘，於是便在情節裡滲透軍方種種陰謀，Scully 姐姐被槍殺，解散X-files, Scully 神秘失蹤，昏迷甦醒，後被植入金屬chip ，患上重病奇蹟地死而復生，遇上DNA 跟Scully一樣的重病垂死的小女孩，等等。除左前日提及的莫霍斯之前世今生外，，仲有好多好多集都好深印象。如果要講真係有有排都寫唔晒！上一季季尾發展到Moulder，Scully開始dating，有一集結尾時Moulder擁著Scully說永遠|在她身邊。。。關係像霧又像花。最神奇的係 Scully無啦啦有身紀，我猜大多是Moulder的遺腹子。還有Moulder找到妹妹Melissa 那輯，我哭了，Moulder開始接受親妹已過世事實，身上釋放的負能量因應減少，妹妹的靈魂可以接近他，他看見妹妹同她一班朋友很開心地玩著，心結解開，可惜幫助他的靈媒卻拒絕相信失蹤兒子的死，開車逃避。

「無論到那裡我們都要在一起」!!!!!一件事令我樂不可支了一整個星期。

天文台預計假期天氣會凍凍地，除左去阿聰屋企過夜之外，仲未有其他打算。。。

食lunch 時跟同事們講起足球小將，戴翅偉，麥泰來，石崎樑，林源三，大頭妹早苗，小志強，德仔，健威，三杉淳，瀰生，森田，松山，立花兄弟，高真吾，龍一，細個時最鍾意泰來，無左岍僖肭雲�|無波入，仲有戴翅偉的「衝力射球」，小志強一腳「猛虎射球」，森田的「剃刀射球」，來自北海道的松山則有「雪國攻勢」，球場王子三杉淳的「越位陷阱」，健威的手刀，立花兄弟的奇技跳上門楣，嘩！講極都唔完呀！由於當時年紀少，|覺得當年日本仔踢波好掂，甚至一場波踢成個禮拜都唔覺，事實日本當年無乜實力，但今日的日本已經係亞洲勁旅，韓國中國隊都係唔夠班，無乜留意J-league 的賽事，只覺得球隊的名好聽，「清水心跳」「川崎讀賣」，大陸甲A 的球隊的也好聽，「上海申花」「遼寧天潤」「大連孟達」，香港嘛，「西貢朋友」都幾得意，不過唔知仲有無，可惜同事們無睇過世青篇同現在連載的足球小將都無睇過，現在戴翅偉已經同青梅竹馬的早苗結婚，生左對孖仔，效力巴塞羅那，以前家境唔好的小志強，身為國際米蘭的正選，出場時身穿nike x 裡原宿名牌別注波衫，一臉自信，巴閉到不得了！超任時代時的足球小將game ，只是輸入指令，靠圖畫同文字交待成場比賽，當時已經覺得好好玩，特別係樑仔一朝香蕉射球，成為當年的佳話。

講講下竟然講到「白，太陽，槍」呢個係人都知的笑話！聽到立刻笑得歇斯底里，不能自己！一時間想起很多小學時的趣事，現在聽到這笑話覺得好lame! 哈哈！我仲記得係同班同學問起先，哈哈！點解食lunch 時可以講左咁多野呢，其實lunch time 一早完左，只不過意猶未盡，一時難以收制，於是講左成粒鐘無做過野，哈哈！

午後沖了杯台灣高山茶，是我從北京買回來的靚茶葉，可惜水唔夠滾，泡不開茶葉，泡不出香味，只浸出了點點茶味，如果水滾沖出來的話，飲完會齒頰留香，嘆茶之際又要整很花時間的project, 為甚麼總是在午後才會開工！﹖一搞又到八點至走。原來外表好惡的鼠哥都幾nice ，平時我都唔敢點望吽A加上又唔同department所以無乜機會交流。

因為唔識html ，所以只能簡單地轉顏色，搭了很多色，下不定注意，還是隔一陣子再轉！

想起「無論到那裡我們都要在一起」，哈哈哈哈哈哈哈哈哈！令人快樂的事！

朝早返工途中下著細雨， 細雨打在面上，有兩分冷清孤單的感覺.

翻看過去所寫的日記， 發覺自己都係個窩囊， 每天過著幾乎一樣的生活， 隔兩三日總會為愛情煩悶著， 原來過得很快樂， 只我一人未察覺。唉! 冇得醫! 除非獨身啦，否則問題仍然根治不了。不過自拍拖以後， 獨身生活也只有一段很短的時間， 倒是無官一身輕， 印象中那段日子應該係無入過戲院，因為好怕一個人去睇戲， 黑暗中一個人會坐不安， 唯一係同阿妹去了油麻百老匯睇夏天劇場 - Whisper of the heart的日文配音版， 本地譯夢幻街少女，另一套我喜愛的動畫， 房裡還掛著它的Puzzle。第一次上映時已經睇過(廣東話配音)，再睇依然感覺好， 天澤聖司， 月島霞， Country Road。本地譯名總是怪怪的， 心中耳語或細耳傾聽不是更好麼? 我還記得睇完戲後的下午陽光普照， 令我那天的心情更愉快。其餘空閒時大多都是呆在家裡看書(傾慕村上便是由那時盟芽，雖然根早在多年前種下 )，聽歌( 是Smashing Pumpkins 的Adore 吧?)。偶爾出外一個人去跑步， 一個人去shopping。透下氣散下心， ……然後又遇上另一個令我煩惱和快樂的人。

於公司的PC 看這日記，顏色沉沉的，字體又不整齊，好核突呀! 利用公司資源作私人事， 呀哈哈!

昨晚睇完「阿飛正傅」， 終於明白為甚麼影評人都說「花樣年華」是阿飛的續篇， 除了花樣的佈局一切都比阿飛華麗之外。菲律賓椰林，印第安人(那名字易記不過忘記串法)音樂。旅行社的袋， 蘇麗珍， 一分鐘， 旭仔， 仲有梁朝偉。影片裡的人物， 配樂， 道具甚至對白都似曾相識，可能是之前睇過太多阿飛的影評， 其後的旭仔， 黃志強， 周慕雲有著差不多的影子， 仲有上海話， 由於阿聰是上海人， 我聽得多都識一點， 加上我同阿聰經常用上海話互相笑對方，「所屈新」同「所盧太破」，所以戲中潘迪華的上海話倒是無問題。我唔能夠話阿飛悶。但又唔覺特別好，尾聲梁朝偉出場想起周慕雲， 是怎麼的一回事?

睡眠不足， 夢遊了半天。午後喝杯烏龍茶， 清醒了一陣子，面對著案頭的一份文件，看了一會頭暈眼花，又飲了杯香滑的Cappucino, 一鼓作氣完成，足足打左18 頁德文，真係眼都濕！幸好用mac ，雙手不離keyboard 用hot keys把大部份指令會完成，用PC 的話，單是用mouse 左按又按已夠花時間。放工時已差不多八點喇，又冒著毛毛雨回家，一日淋兩次。

沒有再追X- files， 而且Moulder 回去了本來所屬的地方， 有點勉強的交待。頭幾季很有心機追， 其中一集係開頭Moulder 一臉凄涼拿著兩張相片站在荒郊野外上，原來他和Scully 到內戰一著名戰役所在的小鎮追查邪教集體自殺一案時， 遇上了前世的妻子，透過催眠他說出了前世各種因果， 第一世是猶太人的Moulder 和太太， 兒子(Melissa 是他們的兒子)和朋友(Scully 是也)被誑@太保(Cancer Man)所害， 死在集中營裡，第二世的他於那場著名戰役中跟下屬(Scully)被敵方Cancer Man所害而壯烈犧牲， 他甚至能說出當時的軍階和名字， 相認後那女的哭訴第一眼望見Moulder 便知道是他就是自己前世的丈夫，容貌變了但那雙眼睛卻沒有變， 一雙她看了兩世的眼睛。可惜因為緣份隨著每一世減少， 到了今世也只有短短相聚， Scully 在當地的圖書館資料庫找出二人生前的相片， 那女的所信奉的邪教教主說世界日， 要集體自殺， 宿命令Moulder 未能救她， 最後Moulder 看著二人前世的照片， 站立在他戰死沙場的地方， 訴說著再次失去她的痛苦.

今晚要好好去睡覺.

突然又想起「無論到那裡我們都要在一起」!!!呀哈哈哈哈哈哈!!!

to0 tired to write, so that’s it for today!