My Life as Open Source

把星期六的相改好，size 大太喇，於是又將相縮細50% ，一次過寄晒出去，點知有部份人的電郵地址寫錯給我，打回頭。唉！真係麻煩喇。

有事，請了半日假，老早回到家了。

昨夜響icq 同Joyce 傾計，仲問左其他人的近況，席上的人都幾好丫，Vivian 響間大銀行做理財服務主任，其他同我一樣撈緊份文職，個個都問我出trip 好唔好玩，如果有得玩就好喇！

我問呇陬L睇我個網頁，妐嗃有睇過，不過唔係時時，仲反問我你估除左自己同吨坏~仲有無人|理你寫乜！﹖坦白講梗係無啦！我娛樂下自己都得卦！﹖趁我仲有心有力時，寫下自己所遇到和想起的事。免得將來記唔起都可以睇番。

Every little secret 是來自Beatles 的every little thing she does。

今朝對住個客份稿，邊睇邊暗暗吃笑，我都寫得好過囮r！唉！成遍野寫到懶有見地咁，雖然寫果個人係該會的最高領導人，不過都應該謙虛為重，而唔係話高高在上咁話睇下你班友今次影乜野相，有無退步呀咁，不如話互相切磋下，青出於藍勝於藍丫嘛！你唔比學生好過你咩！寫呢文章時又懶有文彩，咩學習攝影藝術呀，向攝影山峰探求呀等等，似是而非的病句。藝術是不能夠學習的，可以學習的是技巧，學會了技巧，從而提升自己作品的質素。由於山峰易到同向上爬的，所以只有向顛峰邁進，至於探求就緊係領域啦。

睇下個目錄同d 相，一個二個都係名人，影的相幾乎全部係鄉下山區地方，咩歸家呀歸途呀，相名成日有個歸字，原來係有錢佬附庸風雅。想起蔡瀾話有錢可以買到好多野，買唔到品味，所以每次攤開報紙雜誌睇見有錢佬間大屋，都覺得俗不可耐，成間屋都金碧輝煌，還有個濃妝艷抹的女主人。吤繨雃釵舅W去一個猶太佬的寫字樓，別人都說他是個有錢佬，蔡瀾上到去覺得無乜野普通寫字樓一個，點知入到去老闆房見到幅名畫真跡掛住，心裡暗暗佩服。

下午整了好幾個小banner，逐pixel 逐pixel 整，異常花時間，終於有兩個見得下人。Please feel free to link me!

聰哥哥訓醒致電給我，原來已經五點鐘。

後來去左屋台屋食飯，明太子沙律。

上網時，發現Bridget Jone’s diary 的trailer已經有得睇喇，仲有Planet of the Apes 添，希望快些上映啦！

仲有昨晚影的相未整，明晚開工啦。

係咁多喇，今日。

剛到回家，本來興奮的心情，兩杯落肚，更是開心。

昨晚是我中學同學Tina 的繕盛B喜酒的日子，下午於家中見時間|早便一直聽歌打機同上網，唔知點解一落雨便好鍾意聽Smashing Pumpkins的Raindrops and Sunshower，玩到忘形，一望個鐘原來快7 點，飛快去化點妝更衣出門，今次仲特別帶了部DV cam 去，席上見到些多年無見的同學，大家個樣都無乜點變（我當然係靚左啦！哈哈！）性格同以前差不多，愛說話的我們還是一樣喋喋不休說個不停，像八婆。閒談缺席同學近況，原來有些人已經生左仔（下！﹖），有些比較文靜的同學們結左婚。。。嘩！反而我地呢班傻婆仲載浮載沉，無著落。。。呀！ 我都係嫁唔出架喇！

仲有呀，傳聞有人engaged 係真架，唔講出口但二人手上的介指已經說明一切。 恭喜你們！看見一對對的人，我想念著阿聰，呇荇a呢個時候仲未放工 ，無錯，已經半晚三更喇，妐雈i能要星期日下午至放工。

散席後我們有機|同漂亮的新娘影相，不停恭喜她早生貴子，買樓只准寫她的名，然後由新郎哥一人獨力供晒，很高興的一晚，後來還去了bar 飲野，雖然微醉，我還是去了，夜了便不想回家，坐了一個鐘後致電心裡一直想著的人，本來打算去接放工的，今晚不想回家，去坅峊纗L夜好了，點知又未走得。唉！難得我有心！

席上坐著我們「十個俏嬌娃」其中八個，餘下兩個已給革除了，還有不完整的「逞強隊」，邊吃邊說著無謂的笑話，哈哈。這喜酒是在銅鑼灣Parklane 穠滿A裝璜比酒樓靚些，不過菜還是酒樓好味，普通一圍要六千幾，嘩！到現在仍是覺得簞s結婚是件勞民傷財的事。不如留番錢去旅行仲好。

走的時候同Al 傾左幾句，妎}心到拖住我隻手邊走邊說，好彩我同宎禲A想了一想我說只有我男朋友才可以拖我，便甩開了。Al 同以前一樣，又高又瘦，斯斯文文。

今晚想起太多過去的事，快樂的事。

還有聰哥哥。

睡眠不足，精神欠佳，頭昏眼花。

睇下個月曆原來明晚要去飲Tina 的宴會。。今夜一早要睡個好覺，免得明日個樣嚇親人。

今日又開會，每次都好驚，與其話開會，不如話係公審大會仲好，跟本由頭都尾無交流的機會。

突然發覺時間過得好快，五月中有兩個同事去美國公幹，六月頭至返，我今個月尾飛，五月尾又飛。手頭上的project 要下星期頭交差，今日做左成朝都係唔滿意，希望順利啦。臨飛前仲要交待五月尾出trip 個plan，頭都大晒。

心情慘受今早同阿聰傾左半個鐘電話影響，加上那個公審大會，下午一連串的工作。。。

聽住呀衰人！我係唔會嫁你架！

年頭製作的維他飲品icon set ，因為懶同忙，做了半個仲未完工，要在暑假前搞掂呀！得一盒維他奶都好丫。

夏日號的nikita connection，不日出版。自己都覺得白痴。。。

昨晚surf web，睇左幾個個人網頁，全都為無拖拍而煩。。。想起自己，冇野喇! 仲覺得好幸福添! 當中有人覺得戀愛像等巴士，有些巴士等極都唔到巴士站冷清清，有些巴士站就好旺,不斷有巴士泊站，有些人上左車去到終點才發覺搭錯車。我覺得，如果戀愛像等巴士，咁就死啦! 一架巴士載客量咁大，乘客豈能只有妳一個!?蝕本啦一定!不如話等待戀愛的心情像等巴士。希望快點有著落。再睇多幾個，還有些為情人加了個devoted page。 嘩! 寫到非君不嫁，非卿不娶。愛得天昏地暗，忘掉自己。看清楚，原來只不過剛開始，還是蜜月期。初期總對未來同對方充滿憧憬。那對熊人兔仔，令我想起大灰熊和小白兔在森林裡一個小故事,呀 哈哈哈!

還睇左本地一些蘋果電腦網頁，好多人寫了自己如何跟她邂逅，有些對她又愛又恨，他們像我一樣，第一次接觸時已不能先拔喇。我們愛蘋果，但痛心的是她近幾年的市場方案脫離現實，把我們忘記了，前幾年第一部iMac 推出時令我們眼前一亮，個個都嘩嘩聲，加上銷路好股票上升，我們都為她高興。可是自此之後便沒有再大的動作，軟件上，完美的作業統還沒有出現，我們一直在等，終於OS X beta 版誕生及作正式發售，她完美嗎? 我沒有太大的信心，支援的軟件太少喇，這樣漂亮的半透明介面，比OS 9。1更穩定。硬件上，因為要減少資出，把本來發展得如火如荼的Newton，e-mate，語音輸入，手寫板等等停止生產支援，當時Newton 同palm pilot 跟紅頂白，現在PDA 的市場百花齊放，IBM 也出了語音輸入的軟件。蘋果啟發了牛頓，蘋果電腦也啟發了我們(雖然我只有點點），她讓我們發揮創意(容易編寫的Apple script)，讓我們知道電腦也可以有人性。

現在的專欄作家已用電腦寫稿和交稿，所以他們每月寫作題材又多了，少不免總�|寫幾篇用電腦的麻煩事，再痛斥那班代理和售後服務。其他那些只不過是芝麻綠豆毛病，用蘋果電腦咪一天都光晒咯! 至於蘋果的售後服務維修，嘩! 上幾個星期隻昂貴的optical mouse 壞壞地，致電去維修部查詢，把情況告訴給維修人員知道，他說你的mouse 用了只有半年啊，對不? (當然啦! 它只不過出了半年) 他問我隻mouse在那兒買? 我回答說是幫襯你們網上Apple Store，然後他叫我將隻mouse 同收據拿到維修中心，他們自然會給你免費換隻新的，在保養期內是免費的。如果你是在別的地方買的話，可能要收取些費用。嘩! 隻mouse 成�|百五十蚊架! 咁又有隻新的用! 就算是家用電腦，他們也免費上門維修。有時在街上見到有人抬著部電腦四圍走，我都會笑。我當時行過電腦鋪頭，問隻mouse 賣幾銀，果個sales 話要五百幾，仲話無貨! 嘩! 我呆一呆! 上網睇睇定價只是四百五十包free shipping，嘩! 果班無良商人，奇貨可居! 即時網上訂購! 個多星期後便收到。

今日有點疲倦，工作又出現了岔子，仲好大劑，嚇得我魂飛魄散，坐不安心緒不靈，仲要報告，嘩! 非同小可! 思前想後，還是冇勇氣去面對，心情有如dead man walking 般絕望，呀!死啦! 點解咁曳呀!? 跟同事們商量，時間尚早，仍可救活。。。。甫定驚魂，不過日後問起一樣衰左。

昨晚把網頁翻新，花了成個幾鐘將舊相片矯色，再upload 過，文字又重新寫過，玩到唔想訓，今日睇過舊曆，知道那日立夏，立秋同立冬，決定該日係下個改版日期，希望能維持每兩個星期有新update。工作時心不在焉，想著自己網頁的事，用甚麼色，下期夏日號寫上甚麼，應該加個Bookmark，加個Guestbook，同影多些相。睇下個時間表，改版之日我仲放緊假，剛從泰國回港，希望有精神啦！

混混沌沌過了一天，午後教老鼎send email，唉！唔識又要頂撞人，氣上心頭，一腔「熱血」。。。 做奴婢又唔可以駁咀。

今天情緒有點失控，用小紙扇跟同事玩左半粒鐘，手頭上的工作差不多完成了。遲下�|有個幾趕的project 要做，還可以應付吧！﹖還要準備五月尾那趟的trip。

怎樣昨晚躺在床上閉著眼|想起些唔應該想起的事，未寐，想著想著不知不覺流下眼淚

一開始的時候他已經講過有關她的故事,他們的恩怨，因為我好奇，想知道她是個怎麼的人,跟我一樣,愛上同一個男人。連他自己說一切已經過去，話妳知都無所謂啦。阿聰好坦白，而我則知得太多，他也問我從前的事，但我已經想不起大部份，要決心忘記，我便記不起。我們只知道，我們曾經向別人承諾，永遠不離開對方。結果。。。我們跟其他人一樣，經過messy breakup 結尾。

然後過了很久，你話當你工作的時候，從前的片段像8 毫米菲林自動捲起，半夜三更，在你腦海裡一幕一幕重播。。。你仲問我有冇試過，梗係無啦! 冇你咁賤格呀! 之後我間中都會問你有冇諗起佢

然後又過了很久，竟然有機會被我偷看你當時寫下的日記，斷斷續續，內容是你們分手前後的生活。我又驚又喜，細心地讀著你所寫的日記，原來你所講我給聽的同你所寫的差不多，分別是你冇提過你對她的思念有幾多。日記裡最後的兩篇是你認識我後寫的，你說你很高興認識我，我都係呀! 最後一篇是3 月8 日的，那時我們經已拍了幾個月拖，渡過了第一個情人節，我送左部MD player 給你，我收到的竟然係羊咩錶，係羊咩錶呀! 一隻我恨左好耐，又停產好耐的swatch。大家都好開心。無幾耐你話冇諗過我會送MD player 比你，有點驚訝。原來在那篇日記裡你說收到份禮物後，好開心又好感觸，因為你冇諗過我|對你咁好，雖然你自問待我不薄，但你心裡卻常常想起她，所以今後你�|努力工作，希望帶給我幸福。

自此之後，我不喜歡聽你講以前的事，我�|喊來抗議。後來你冇再提，一切安好如常，偶爾我會想怎樣的情生意動，會讓兩個人拿一生當承諾。

回想這幾年，我們快快樂樂地渡過每個拍拖的日子，夜裡我說想念你，我們便跑出來幽會，行山，屋台屋，睇演唱會，打8 號風球時我們一齊打機，睡午覺，去買玩具，旅行，雪花片片的平安夜，我們的約定，莫失莫忙，滑雪，雖然滑雪時我撞親腳，你哈哈大笑說我論盡激得我吵嚷要在這個大雪山上同你割蓆分手，恩斷義絕。。

我知你是愛我的，種種的回想，直到最近你有些微言，唉！我實在寫不下去喇。

今日工作上出了岔子，連影印機都蝦我，萬念俱灰。