去了漫畫展，出奇地人流比書展少所以行得幾舒服。先前細佬幫我買了Super Baby 公仔set，後來我們經過那攤位時竟然看見利志達在畫公仔，不作細想，即時買多set 漫畫，利志達老師很細心專心地畫了巨Ｂ同super baby，多年來第一次得到老師的真跡，很感動也很多謝他！
經過賣明和電機時我已經發晒癲，一口氣買了透明�|鏡頭Lomo 相機，黑白Knockman 各一隻，本來Na-cord 都想買不過貴。一次過了結積壓在心頭念念不忘的Lomo 同Knockman，正！那個remote control �|行�|閃眼的機械人很吸引，千五蚊太貴一千的話就買得過！日本賣萬五 yen 即係一千蚊左右啦，哎呀！可惡的八算！買到歐陽應霽於八九年出的首本作品「連環途」，真是始料不及，還是第一版呢！
聰哥哥送了世界名著劇場第一彈扭蛋結我，很激動之餘又好感動，週街都斷貨呀！every little thing he does, he does for me.
行完後回家玩了一個下午玩具和打 FF X，看了Planet of the apes。又有野玩又有野食又有戲睇，今日真是真夏之幸福！
睇Hobby Japan 得知世界名著劇場扭蛋公仔第二彈就快出，有浣熊流浪記小飛俠同最引我買的義吠報恩最慘最喊得心痛，就係阿尼路同隻狗凍死於教堂後，兩隻小天使從天而降果幕，悲天憫人呀尼路！上次第一彈礙於錯過第一水貨，第二水返貨少所以價錢高達$190 搞到買唔落手，然後飄零燕扭蛋因為賣光結果又失望而回，我今次死都要買呀！仲第一時間找同事D 幫我訂。我一向好少買扭蛋公仔因為多數整得唔靚，但最近的扭蛋同果子玩具的質素提升不少近乎罕見，果子玩具我都有隻想要，就係泡湯鬼太郎爸爸喇，點知買剩鬼太郎同貓女，哎呀真係唔好彩激死！
噫齱A話利志達本Super Baby 連公仔好好買，本來委托細佬去買，點知坉n星期日先去，我諗都係自己明天去買算了，免得賣光阿聰失望。
可能兩日假期都無拖拍，未諗到玩乜好。
放了一天假，結果今日做到九點幾至走得。
從報紙上的廣告得知有新潮流雜誌出版，吸引我的是那兩隻劉德華Kubrick 公仔誌上限定版，嘩！為了得到那兩隻劉德華公仔立即跑到附近報攤買那本新的雜誌，叫「Milk」。封面張相唔係太靚唔係好吸引，不過內裡的Layout 都算整齊乾淨，用上relax 方格排陣白底反黑字襯退地相，內容不過不失啦，事關本地潮流雜誌最堅同翻吸日本雜誌最快要數東touch，要買電子產品格價要睇便利，兩本大野做左咁耐又係大集團產物，要殺出血路都幾難，不過劉德華誌上限定版我已經勁buy! 最好比我抽到我期期買又點話。
誓要去入刀山！同事見我睇完又睇就知我勁鍾意隻公仔，尪侘茖虷b我公司樓上返工間唔中見到我同事還|跟他打招呼。我們都有劉德華情意結。雖然夆蛜q唔係好聽不過呇釣ツ蒂n好睇。連軟硬玩電話都扮過劉德華die hard fans，諗起都笑死。華仔呀華仔！
講開Kubrick 公仔，買下買下都有超過十隻，計有最貴的EVA 初號機(many thanks Derek!)，三隻小飛俠(thanks Derek!)，六隻大都|(thanks again Derek!)，仲有新買的EVA 藍色零號機，星期六去買埋明日香同重傷零波麗，然後廿幾隻野細細隻排在一起，嘩！壯觀的場面諗起都好開心。不這點到唔及精品店咁激出動所有公仔做 display。阿聰笑我見到大都|果set 兩眼發光成個老豆姓乜都唔記得樣，見到公仔排在一起就好鬼開心，係呀吹咩！你見到超合金魂dummy 咪又係咁。
聰哥哥份生日禮物終於買左喇！超合金魂第五彈「宇宙威龍」第一水水貨是日到港！星期初去問過可能要五月頭才有貨，嚇得我！因為我唔想好似舊年隻「巨靈神」咁，第一水無買，結果等左一排至有第二水貨價錢仲貴左，成$980! 中午睇雜誌知道有得賣，即刻飛去糖街，去到見到個盒被透明膠包實，放在貨架頂，高高在上咁被人供奉，心知不妙，一問個價，嘩！$988! 果然係第一水水貨！唯有行多兩間格下價啦，點知除左地庫果間之外其他鋪話未有。哈！去太源街睇下先！第一間鋪頭只係賣$750 咋！乖乖奉上銀兩，然後走人。雖然比行貨定價略高，不過無所謂啦，買左安心去玩！Yay!
聰哥哥同我一拆開個盒大家不約而同下左一聲，乜咁細隻０既﹖本來當年係好大隻架，條龍當年仲因為技術問題整到似成隻雞多過似恐龍，所以我們笑稱為「宇宙雞龍」。搞到我次次問幾時有貨時都要停一停改口叫「宇宙威龍」。今次摸過件實物，隻雞竟然縮水變左鵪鶉，不過呢，呇釵n多parts 可以換，所以都算抵。
呢個已經係我送比聰哥哥第三盒超合金魂喇，第六彈三一萬能俠個dummy 已經暴光，年尾又要撲過。
我細個時已經過左合體機械人時代，所以果d 三一萬能俠呀，大鐵人17 呀，超力電磁俠呀我一套都未睇過，有點可惜。現在睇Neo 真三一，好鬼暴力，竟然有dummy 機械人合體不成永z炸瓜左個機師。
行過見到粉紅透明GBA 出左喇！！！！Kawaii desu! 好想要啊！心思思。。。
同事們說煎定十三太保等我番工！老腎仲情深款款咁叫我留低。嘩哈哈哈哈哈哈！
P.S 館主外遊，暫停數天。
今日買左五月號的relax，如果唔係今期專訪Folk Hero 同送貼紙都未必會買。每次睇日本仔雜誌都會一再讚嘆那簡潔的layout。每張圖片整齊又整潔地排列在一起，所介紹的物品相會以「退地」出現，去除一切多餘的背景，連篇幅都是四方簡約，香港潮流雜誌一定唔得，金城之前寫過，睇見relax 一連十頁只有大相隻字都無，羨慕不已，單憑相片已把該期的主題表達出來，非要編輯功力深厚不可，他日改版整簡約的話，佢都會relax，無得撈也！
去左糖街睇玩具，行過又見到Kubrick 的小飛俠公仔，經過其中一間鋪頭有得散買，$35 隻，昨日於188 見到$58 已經有兩隻主角，但今次散買係要自己抽，睇個盒的外表係完全唔知盒裡的公仔，我同阿聰最想要的反而係另外幾隻匪角同大鼻子博士，所以抱著志在必得的心情去抽，阿聰抽先，臨拆開個盒時仲話抽到個女仔就搞笑，點知真係比佢抽中！哈哈！果然天助我也！比我抽到主角小飛俠杜比！給果，兩條友犯賤地用左$70 抽到只值$58 的公仔。正因如此，原本低沈的心情突發急升！(^o^) 呵呵！我就忍唔住要買齊果三set EVA 公仔喇！雖然唔係咁鍾意Kubrick 出的公仔，因為價錢同手工唔成正比，屬於景品的Kubrick 唔同Lego 同Playmobile 公仔咁樣有得玩，但勝在出動畫主角同匪角，現時無對手之下唯有買，怕且呢股公仔熱潮有排都未冷卻。
Mario 終於玩到第三排最尾果關，仲有成�|排至爆機，嘩！真係有排打。屋企人同阿聰都話重未見我如此專心認真，無論搭車定等食飯我都掛住玩！分秒必爭！忘形到唔記得玩DC 的Jet Set Radio 同埋隻Toro貓。
想起「無論到那裡我們都要在一起」， 嘩哈哈哈哈哈哈！
