My Life as Open Source

上兩個星期到上海是做德國佬跟班，其實我挺喜歡跟德國佬出差，雖然每朝九時出門，晚上十一時才回酒店，不過跟他一齊勝在好玩，加上德國佬愛說話，又加上他一年有一半以上日子出門，特別多故事講。

德國佬雖則週身名牌，不過件件都是趁特價或以特價購入，過程好抵死。話說去年他來的時候帶了一部brand new & shiny 的15 吋PowerBook，他跟我說部PowerBook 他恨左好耐，等到有新版upgrade 時他就馬上出手趁平買上一水貨，今年他來到公司，取出一部17″ PowerBook，我說嘩！新PowerBook 喎！他否認說跟去年的一樣，哈，你騙得到其他人，騙不到我喎，後來他說出買17″ 的經過：話說核數師來查數，知道德國佬是專業攝影師，就乘機問他買甚麼Pro 相機好？德國佬過晒貼士之後說，有部Pro 相機無Pro 電腦跟好像欠缺些甚麼，於是德國佬順水推舟，賣埋部15″ PowerBook 給核數師，自己補些少錢買部上一水的17″。德國佬好大件，17″ 個size 都係剛剛好。

德國佬都愛買refurb Mac，我問全世界那個國家買最抵？他說扣稅後是英國的最平，真是出奇。講完PowerBook 的故事，不如講佢對寶貝仔女的iPod 故事：暑假德國佬帶成家人去美國渡假兼工作，寶貝仔女每人有部iPod shuffle，德國佬說過到了L.A 後就買部iPod mini，每人給四十元美金，差價由德國佬付，誰知細女冒失，丟失個shuffle，過了幾日才開聲問媽媽有無見過，到了L.A 後，大哥付40 美元，細女付80 美元，因為她整唔見左，要比多40 美金罰款。

1. 2011:  Day 3 - 大阪インスタントラーメン発明記念館(0)
2. 2007:  朝日堂、濃郁朱古力蛋糕、對談(15)
3. 2001:  禁病(0)