My Life as Open Source

有晚臨睡前收拾雜物，朗朗仔行過來說：「媽咪你睇下，我自己換了睡褲。」咦又係喎！「真叻仔，果然係大個仔喎！」

* * *
對付頑皮的朗朗仔：「媽咪覺得你最近講說話叻左，懂得關心人(天氣涼叫婆婆蓋被，叫嫲嫲炒菜時小心火，見我摔鼻遞紙巾給我等…)，認識的事物比以前多左，果然就快四歲仔，好叻仔喎！」

朗朗仔聽時笑笑口。我繼說：「不過呢，朗朗仔就無以前咁聽話囉，玩具沒有自己收拾啦，又成日扭計，又唔聽話喎。」朗朗仔聽完即時面色一沈。

「咁你大個仔要聽教聽話先得架嘛，知唔知？」(講完不禁想過多幾年無呢支歌仔唱了。)

* * *
有晚忘記看學校的通訊錄，之後朗朗仔跟我說，同學仔都帶了新書回校，他拿著書包跟我說要帶新書。哎呀！我真冒失！朗朗仔懂得提醒我，大個仔喎！

前日老師說朗朗仔上堂好興奮，時常站起身不肯坐下來，難得老師開玩笑問之前一晚是否睡得太好精神太飽滿，朗朗仔在課堂自我罰企，算是乖學生吧！？

* * *
有次洗澡，朗朗仔聲言「我識得除底衫。」仲即時示範，先從拿起衫領退出來，再脫去衫袖，動作帶點笨拙，但不得不讚朗朗仔大個仔喎！

1. 2009:  Beyond @ 民主歌聲獻中華(1)
2. 2008:  週二宜輕鬆(2)
3. 2008:  回帶(3)
4. 2005:  MacGrassroot 新聞中心啟動(1)
5. 2005:  Darth Vaderの悲劇(3)
6. 2005:  老兵の悲劇 - 小白dual USB(4)