27
Apr
是咁的，最近對行人路旁的鐵欄有過敏反應，看到鐵欄佇立在莫名其妙的地方中人欲嘔，我不禁想，如果鐵欄保障行人的安全，以下的鐵欄又保障了誰的安全？
【圖一】是柴灣道，左邊是東行線，右邊是西行線，中間以花圃種滿了灌木及喬木植物分隔，花圃被鐵欄完整地包圍著，上圖可見，東行線行人路因為有小巴及巴士站所以沒有鐵欄，西行線鐵欄長如路軌，請問花圃的鐵欄保障了誰的安全？
【圖二】三角形路壆，除地磚外空無一物，被鐵欄包圍著，兩邊的行人路同樣設有鐵欄，如果說【圖一】的鐵欄保障了花圃內灌木及喬木植物的安全，請問路壆的鐵欄保障了誰的安全？
【圖三】有趣的是，不是所有花圃獲厚待被鐵欄包圍，【圖三】就沒有了，反而隔壁沒有花的地方卻有鐵欄。
- 2007: 集體訂購泡沫爆破の悲劇(9)
- 2005: Eyes of Tiger(6)
- 2005: Don't be a bad Apple again(1)
- 2001: 無夢(1)
19:33 on April 27th, 2010
回歸之後, 香港政府好似大陸咁, 越尼越多野要管, 周圍越尼越多鐵馬同欄干, 公共空間同自由越尼越少. 大陸政府樣樣都要管, 係因為佢地對自己冇信心. 如果去到民主社會, 例如台灣, 周圍都好自由
22:20 on April 27th, 2010
有些欄干未必是政府想整，而係區議員要求，那麼他們便可以有政績。
找人掘地整欄干又可以制造就業。
如果你真想知道，可以向路政署／運輸署查詢。他們應當回答市民的問題
00:04 on April 28th, 2010
@linus leung: 我唔識去解釋呢個咩現象，但看到滿目鐵欄，覺得社會都幾有問題，問題在於點解無人覺得一街鐵欄係有問題架！？
@kansir: 唔止，鐵欄損壞要維修，又可上油翻新，有餘錢剩下來更可安裝花盤美化市容，鐵欄易使錢的好處多的是呢。
我當然是想真的知道，否則不會又拍照又寫文，你以為我無問路政署咩！？我想問問大家之餘，同時希望有人留意一下身邊有幾多類似的鐵欄。不過，你都係無回答到我問題囉。
00:11 on April 28th, 2010
其實興建鐵欄，再拆鐵欄，再興建鐵欄，再拆鐵欄，再興建….. 就可以不停製造職位，工人人人有工開，不賴不賴。
01:05 on April 28th, 2010
哈哈， 等我答下，
會唔會係想有欄可以放議員廣告
10:50 on April 28th, 2010
有講法係，呢o的鐵欄係盡力阻止路人唔用斑馬線、過路線、行人天橋同行人隧道過馬路。因為真係有部份朋友相信同實踐過路直線距離論，即係直線橫過路面係（好似）最快同最爽o既，但或會影響個人同司機。
用植物都有同類阻止效果。之不過，民間力量容易o的解決植物：十幾年前，我屋企樓下有一對巴士站，隔離有行人天橋，但居民就o係路中間石壆o既植物間，闢出過路小道，方便過路直線距離論支持者！往績如斯，又真係阻唔到有人建議兼豎欄治班友喎。
11:07 on April 28th, 2010
回linus同kansir：查民間都有唔少管o既聲音，或者佢o地相信，有得管就係有秩序，就係更文明更進步云云。呢種諗法向來無從拆解同討論，結果一旦經政府實現，大家可能有排痕矣。
11:49 on April 28th, 2010
@Chainsaw Riot: 若要人人有工開我「強烈建議」不如將香港所有公園都起圍欄，列入健力氏世界紀錄大全。
@ray chan: 據我所知，團體要掛banner 要去路政署申請，而區議員自己會有一定數量的quota，所以佢地都唔可以亂掛架。
@肥力／黃力: 退一萬步我「接受」到行人路插晒圍欄阻止行人亂過馬路，但中間阻隔的地方無必要落囉，「禾諗禾真係接受唔到囉。」
12:55 on April 29th, 2010
算罷啦朗媽, 政府d野愈問得愈深就愈就愈荒謬, 盞自己激氣! 例如荒謬之最: 沙灘唔可以玩沙灘波!
15:21 on April 29th, 2010
@地下A室: 越荒謬越好，公開比大家睇當笑話。
18:00 on April 29th, 2010
是咁的…做咩篇文開頭咁高登化??
10:48 on April 30th, 2010
@Walter: 是咁的，愚見覺得寫荒謬事用高登語好貼切。