閱生果報見羅大導接受訪問說：
「其實故事大部份都係童年經歷，細細個家庭發生嘅喜怒哀樂事。呢個劇本可以講係我幾十年前已經開始寫（日記形式），但攞呢個故事做電影嘅衝動，唔知點解呢幾年越來越犀利，可能係因為好多 80後嘅問題、大家嘅迷惘、社會上又見到好多負能量。咁我好奇怪，我細個時候遇到嘅困難唔係比呢啲更大？我哋 60年代長大嘅人真係冇怨言。」
社會有怨言，甚至怨言多，是市民的問題嗎？你沒有怨言，是因為你選擇不發表，基本法保障香港市民享有言論自由，市民發表意見是行使公民權利，講怨言也只是言論自由，你選擇不說，是你個人意願，但別人有權發表，你可以說別人的怨言當中有部份不大同意。如果你自己不說就連別人也不能說，是霸度。
既然套戲獲獎，當然加碼拍續集，順著氣勢摘下柏林國際電影節的最高獎項金熊獎，見大導說劇本以日記形式寫成，吾一於來個狗尾續貂，幫大導演度一下故事大綱。
話說劇中的男女主角任達華和吳君如已屆九十高齡，卻老當益壯，身心雙健，思維清晰，中氣十足。他們的小店由八十後孫兒繼承，成為鞋店的第三代目，孫兒勤奮好學，設計大膽創新，甚至被邀與外國牌子玩crossover，風頭一時無兩，奈何重建火車頭殺到，小店被納入重建區域，孫兒不忍兩代人心血被毀，也不願看到老街坊散失，聯同三十後祖父母、五十後父母和老街坊、六七十後的區議員、八十後的友人一起上街抗議。
續集大可延續上集的人情味，例如寒風靜坐垃圾會門前獲途人送暖，八十後孫兒以「Facebook 作大本營，Twitter 做集結號」，Web 2.0 挑戰政府機器。上集講的是開墾新天地的艱苦，續集要講的就是為了守護這片天地，跨世代繼續奮鬥。
羅大導不明白社會怨氣為甚麼多，相信他完成劇本後，說不定對怨氣會多點了解。如果只一味說怨氣多，卻不去了解的話，同吹水是沒分別的。
延伸閱讀：
Pcheung – 六十年代樣樣好？
- 2011: 親子漢堡扒(6)
- 2009: 《零的焦點》(3)
- 2009: 荼毒下一代的主題公園(6)
- 2007: 世界和平 / 自己的幸福(5)
11:28 on February 23rd, 2010
一個人可以成世人都無怨言??同白首相話佢成世未打過人一樣超可疑也!
11:30 on February 23rd, 2010
【玻璃之城】俾我的感覺就已經係佢地個代的大學生就好掂，後來的大學生就唔掂。所以羅大導依家咁講一 d 都唔出奇
11:46 on February 23rd, 2010
嗯,套片是申請電影基金拍的, 說不定就係要講幾句「啱聽說話」。
12:09 on February 23rd, 2010
@pcheung: 唔知佢叫香港人睇香港電影算唔算係怨言？大佬人地用自由市場規則話你知唔想睇港片，你都仲要叫人睇喎。
@Alan: 我連玻璃之城都無睇呀，我又唔係佢果代的人。
@ray: 其實佢同官府大人都幾夾，都係果代的人，未必要夾埋都識得叫人學下佢。
12:32 on February 23rd, 2010
續集其實係：任達華和吳君如至七十年代發現，香港地造鞋原來搵唔到食，於是乎將個舖位賣左佢，獲得第一桶金。之後用呢嚿錢到處炒賣，成為左本地土豪，後過渡期兩公婆因為有米同時獲中方選為人大代表同臨時垃圾會議員。
之後一直響政界扶搖直上，至到有一日成為左功能組別議員，要審理其鞋檔舊址上環永利街收購項目，點知佢都係撳制通過。因此被一眾保育八十後示威者圍垃圾會，點知佢兩公婆走出來小狗班示威者，話：「我細個時候遇到嘅困難唔係比呢啲更大？我哋 60年代長大嘅人真係冇怨言。」
完。
13:46 on February 23rd, 2010
@Chainsaw Riot: 亦係一個好故事，仲好反映現實，甚具香港投機炒賣特色。