My Life as Open Source

朗朗仔越來越大，就越發現自己唔識同個仔溝通，即係，我無法令佢明白我講的說話，而我亦無法理解佢的諗法，唯有睇書學下野，希望學到一招半招可以用用。

年幾前買落一本講親子溝通的書，如今總算得物有所用，翻開來看，發現書中的對像以小學生為主，因為小學生已懂得簡單地表達自己，大人只要適當地附和，幫助孩子疏導牢騷，待不快抒發後，孩子自會道出解決方法。朗朗仔年紀還細，有些方法不太合用，倒是有個「訴諸fantasy」就幾好用，運用得宜甚至會百發百中。

話說元旦日我們去阿靛屋企玩了大半日，食過晚飯見有點時間，又見阿靛同朗朗仔仲想一齊玩，所以到百貨公司行多陣，雖然沿途常常提醒朗朗仔玩多一陣就要走，到夠鐘離開的時候，朗朗仔還是萬分不願意，一邊行一邊哭問「點解唔玩多一陣？」

理性解釋當然是：「我們夠鐘回家，因為時候不早了。」然而，朗朗仔對時間沒甚概念，也不會明白固定的作息時間對一大一細來說有幾重要，本來我還唸唸有詞說著：「我們夠鐘回家喇，好夜喇！」忽然間想起書本的方法，嘗試改變方向：

我：「我們夠鐘回家，是因為已經沒有時間去玩了，如果有多一點的時間，就可以玩耐少少，你話好唔好呢？」
朗朗仔：「好啊！」
我：「但可惜我們已沒有時間，如果有多一點時間就好了！」
朗朗仔：「如果有多一點時間就好了！」
我：「係啦！如果有多一點時間就好了！」

成功轉移視線後，我們兩母子一齊慨嘆「有多一點時間就好了！」到行到地鐵站，朗朗仔睇到地鐵、月台和路軌，這時他已忘記不快，還要我解釋為甚麼路軌旁邊會有石頭。

「訴諸fantasy」雖然未能教曉朗朗仔時間有幾重要，不過可以讓我唔需要用打罵或怒吼來「降伏」扭計的朗朗仔，都未嘗唔係一個好方法！

1. 2011:  奇文共賞：地產業界料樓價續飆 年內破97高位(2)
2. 2007:  Star Wars 2.0(9)
3. 2007:  Nice Forest - The First Contact(5)
4. 2006:  東京尋食 II(1)