My Life as Open Source

每晚睡覺，講完故事，朗朗仔總是說：「媽咪我瞓唔著覺，不如講野，講學校d 野。」

我：「咁你今日在學校做過咩呀？」
朗朗仔：「唔知。」

然後到我問，今日那位同學仔坐旁邊？黎老師、鄧老師有沒有講故事？誰人沒返學？午睡時，旁邊的同學是誰？每晚例行問一次，晚晚的答案都不一樣，有時他會講今日被某同學仔鬧，某同學仔媽咪來學校一齊讀share reading…諸如此類。

剛才的話題是海水公園見過的動物，大熊貓的家鄉在四川，動物本來住在森林裡，不是動物園，鯊魚、海豚住在海洋，每次講動物，朗朗仔總是會問動物會不會咬人？我總是例行說，只要你愛護動物，不傷害牠們，動物是不會咬人的，就如平日在街上看到的貓狗一樣，只要你友善對待動物，人類和動物可以和平共處。(可惜現實唔係咁，現實唔止人類殘殺動物，人類還會自相殘殺，但無論如何，我還是有責任講一個本來的事實。)

但是，當朗朗仔問到鯊魚會不會咬人？我一時口快快說鯊魚會咬人的！所以沙灘有防鯊網，解釋完一大輪為甚麼鯊魚要咬人(點解鯊魚要咬人？因為海無魚食。點解個海無魚食？因為人類污染海洋，令魚死晒。)，朗朗仔泣說不喜歡咬人的動物，只喜歡不咬人的動物。哦，原來如此，難怪每次講動物都要問，動物咬不咬人？

* * *
在海水公園見到中華幻獸娃娃魚，好核突，好似「芒享」入面的怪獸，真是不明白典解有人會食佢落肚？

* * *
有次在睇youtube 的恐龍短片，其中一個畫面是恐龍爭食獵物，朗朗仔問恐龍做咩？我答恐龍爭野食。

朗朗仔：「點解恐龍唔排隊？」
我：「恐龍唔識排隊㗎。」
朗朗仔：「恐龍有無返學？」
我：「恐龍世界無學校㗎，佢地唔使返學㗎。」
朗朗仔：「點解恐龍無學校？」
我：「………」

1. 2011:  聖誕假期(0)
2. 2010:  息子さんは･･･スネた(2)
3. 2010:  聖誕假期(0)
4. 2008:  假期結束後(2)
5. 2008:  Sorry，柒ed！(2)
6. 2006:  節日前後(6)
7. 2002:  嵐山嵯峨野(0)