個title 係ATCM 想出來的！果然同是電玩迷，|隻字叫人精神煥發！老任同復刻版萬歲！
Chainsaw，正！我都好喜歡世嘉的遊戲，並替世嘉退出家玩硬件市場感到可惜同覺得被背叛！世嘉出的遊戲，永遠係新概念的，Seaman ，PSO，Samba de Amigo，莎木就係例子啦！衰在唔夠老任咁靚咁完美咁大小通吃，加上PS 一面倒令DC 無大廠遊戲支持慘淡收場，你睇下Biohazard code Veronica 在DC 上的銷量，幾乎係個個DC 人都買。當初玩的時候非常滾動！重來未試過玩一個咁靚的Biohazard。老任都唔係好好過，無Pocket Monster 撐住的話又係|慘淡經營。現在連老標都搞電玩，世嘉的引退，老任的GC，PS2，新一代的電玩三國戰局唔知|點，老標的優勢當然係強大的網絡可以一齊玩啦，GC 暫時都係以遊戲質素取勝，PS2 呢，呢排靜到死，聖誕搵個大game 都無。來年的經濟唔|好得去邊，以後買game |更慬慎選擇，唔係大作都費時諗！有PS2 又有乜咁出奇，都唔係新玩意啦，雖則話個Para Para 五舊水，問題係我家已無位再容納呢d parts 喇！淨計槍都有三把又沙搥又joystick，又有幾部過氣遊戲機，點頂呀！
當初買FFX 附送的FF XI 影片，睇到都嚇左一跳，事隔半年都係要申訴下，明知那些畫面是未加工的草稿，不過真係核突到嘔，十足十d 美國佬做的電腦RPG，真是不能夠相信係Square 食飯之作，早幾個月看了執好後的畫面，原來真係玩中古歐洲佬式冒險，睇完後無乜想玩的感覺，可能我連FFX 都唔係咁熱衷。Square 都算搞笑，轉型不成扑d到差點摺，經常說要在GBA 上出FF 系列，偏偏老任唔領情出聲明話無興趣合作。
其實，Sony，世嘉，蘋果，三者都有點相同。Sony 同蘋果的產品，無論係設計的概念和外型上都係無懈可擊，往往叫人眼前一亮！世嘉同蘋果的產品，勝在創新，只可惜hi-tech 野，hi 晒野。想來想去，都是Sony 聰明，產品又靚，滲透層面廣，如果他日蘋果能像Sony 便好了，始終，100 個電腦用家裡只有5 個麥客呢個比率太少，我在off-line 的日常生活中若果碰上麥客就好像遇上失散多年的兄弟姐妹咁，到目前為止也只碰上一個，果個就係出版界的Richard Gere！
我都有個疑團，PC 人|否像我般咁熱愛自己部電腦，日日都說她有幾好，日日都在宣揚她的可愛之處，日日不停吹叫人用蘋果，當正自己係蘋果老sales。
定還是係自己痴左線故步自封呢﹖
