7
Oct
閱報見曾鈺成不承認也不否認他是否共產黨黨員，藏頭露尾，完全不成話，借倪匡的舊文獻計曾生，否則問題越拖越耐，只會越來越樣衰。附圖是文革期間八大樣版戲之一《沙家浜》一句台詞，威風十足呢！
當日今日：八大樣板戲之一的「沙家浜」，到最後，漢奸走狗一網成擒，其中一個面色暗綠（真的化裝成暗綠色），瑟瑟發抖，身形傴僂，顫聲問阿慶嫂：你究竟是什麼人？
好一個阿慶嫂，只見他臉如芙蓉出水，眉如青山聳立，杏眼圓睜，晶光閃耀，雙腳不丁不八，昂首，挺胸，收腹，右臂貼身橫於胸前，位置乳下臍上，拳輕握，左臂下垂，與身體呈十五度角，拳緊握。
（這是樣板戲中正派主角的標準姿勢。此姿勢極端神奇，任何人一擺這個姿勢，立刻正氣上身，亢奮程度百分之二百，充滿信心，與天鬥與地鬥與人鬥，排除萬難，勝利在望。）
阿慶嫂擺定了姿勢，氣吞山河，神昭日月，舌綻春雷，回答道：「我是中國共產黨黨員！」字字擲地作金石聲，觀劇至此，觀眾莫不熱血沸騰，大聲叫好，起立，鼓掌聲歷久不衰，表達對阿慶嫂的敬意。
「我是中國共產黨黨員！」這話表達身份，何等氣派！可是不知道為什麼，在這裡，少聽到（甚至根本聽不到）有人說出這樣有氣勢的話來。扭扭揑揑，在面對敵人，大可將這句表白身份的話作為最佳武器時，仍然聽不到，真不知為何。
例如，局長大人發動責難：「今日議員，是昔日殖民地高官……」
（這句話中的「議員」，換以「特首」、「司長」、「局長」等等，皆無不可。）
當其時也，如果立即擺出樣板戲標準姿勢，作獅子吼，叫一聲：「我今天是局長，也是中國共產黨黨員！」
那效果之佳，一定不讓阿慶嫂專美，可令聞者戰慄如戲台上之反派。
不單是那個場合，許多場合，許多共產黨員，都可以如此，真不知為什麼，未見有這等景象。借一句前故趙總理的名句相問：你們怕什麼？
- 2011: 秋啤(3)
- 2010: 蕃茄雞柳煮蔬菜(3)
- 2010: 大感動的鐵道博物館(0)
- 2009: 超模(4)
- 2001: 入世在望(0)
22:00 on October 7th, 2008
我都唔明。
係唔係共產黨員，同係唔係民建聯一樣，應該都係易答，唔應該同政治氣氛扯上關係。
老實講，曾主席（佢做唔到立法會會主席至奇）本人嘅政治立場一向好明確，唔似部份「獨立」議員咁閃閃縮縮。就算佢係共產黨員，都唔係乜嘢奇聞啦。
除非，佢係支聯會會員啫。
11:37 on October 8th, 2008
@diana: 一係佢根本唔係，之前一直扮到好似係，現在唔想自己踢爆自己。
11:42 on October 8th, 2008
太空成唔會認架，民記係要靠包裝黎搶中間選民，基本盤果 d 票就算見民記頭目殺人放火都投俾佢地，但你話中間選民聽你係老共，重唔趕客？
每次選舉唔少選票都盲舂舂投左俾呢班自稱為港人既老共走狗
11:45 on October 8th, 2008
@nikita: 雖然無證無據，但以太空成背景資歷，唔係先奇！
12:12 on October 8th, 2008
鄭耀棠同程介南就肯定係，曾狗成我覺得未必係。佢而家唔答，又講埋Ｄ「香港人對共產黨有偏見」，真係有可能「扮晒係」。
講真，你估共產黨員易做o架，十三億人先得七千幾萬人做得到。中國共黨黨員移民唔易o架，咁易攞到加藉咩。睇佢個款，似係擦真共黨員擦分著數果種。呢Ｄ投機人仕邊會咁蠢入共黨。
12:32 on October 8th, 2008
我d 大陸客單位裡面有黨員，有d 仲會標榜自己有幾多個添呀！黨員一有活動就響公司網站度大鑼大鼓，巧威威架！
我估曾德成都係。
22:53 on October 8th, 2008
對呀，我認識一個共產黨年輕人，佢好proud of 佢全家都係共產黨員。
即使在香港，在一班年青人前，佢都表現得好自豪，唔怕講。
00:04 on October 9th, 2008
我也見過後生的共產黨員，會覺得好光榮，什至怕其他人覺得他太囂張，而採用平實的語調說：「我是中國共產黨黨員啊。」
11:53 on October 9th, 2008
曾狗成話「香港人對共產黨有偏見」呢d 好少事，香港社會對同性戀有偏見就真，電視節目講下都投訴到九彩，講反歧視法又話令家長唔識教細路。如果有個議員自爆係同性戀，分分鐘比人投訴到爆！
看來，佢九成唔係黨員囉，雖然表面上好似係。