4
Aug
週末上學去，原來Natalie 姐姐已經離職，對上一個星期是最後一課，剛好那一課我們有事缺席，以後由Monica 姐姐教授，今堂來了幾位新同學，課室內人氣沸騰，新老師新同學令朗朗仔上堂無心機，寧願坐在角落或自己跑來跑去。
* * *
上星期二的健康舞班，導師T 姐姐又缺席，代課的姐姐，教的舞步好無聊，我和同學們在中段休息時不禁說：「好悶呀！」而且下課後只流了一點汗，甚無癮。上T 姐姐的堂，一定要穿有透汗功能的衫褲，否則會成身汗，T 姐姐的舞步運動量很大，而且T 姐姐會搞氣氛，加上T 姐姐體態完美，跳起舞上來十分養眼，所以很喜歡上T 姐姐的堂。不過對於T 姐姐來說，教跳健康舞只是兼職，希望她的正職有更出色的成就啦。
* * *
前晚憑著「誓要去 入刀山」的氣概，七點未夠便鑽入人多到嘔的百貨公司，拿了一張要等一百個號碼的食店籌等食飯，輪候的人拿了籌就離開，很多時店員在喊空籌，我見還有不少號碼，先去超級市場買點東西，不幸地我在超市內迷途，等結帳又費時，匆匆回到食店，已經過了七個籌，當時已經八點半了，我問店員是不是要重新輪候還是可以安排下一張檯給我們？店員結結巴巴地用英文問經理，見經理是日本人，我即時轉台以日語同經理溝通，懇求他安排給我們入座，最終我們一家都有飯食1，不過爹爹話下次要等一百張籌先有得食的話不如算數，我都有同感，其實餐飯味道不錯，只是不值得用1.5 小時去等罷了。
* * *
今日懷念上次同盟友進食的「元氣回復抗脫力晚餐」。
- 好彩出來行走江湖識兩句外語旁身。 ↩
20:07 on August 4th, 2008
下次一齊喪食過啦!
21:41 on August 4th, 2008
大xx幾好味，不過我都懷念chalon
23:34 on August 4th, 2008
唔好話要排一百個籌，我而家連等十個籌都無耐性。一見人多就走。就算你話間食店有幾掂都無用。總之要快有得食，同埋平。
可見我而家一啲詩情畫意都無。
23:49 on August 4th, 2008
@tiney: 好呀！！！！(流口水！)
@maki: 就是食了大xx，等左好耐…Chalon 仲有鐵版燒(未賣比Aeon 時)都好食，賣左之後就唔掂了。
@diana: 其實我都唔係好等得，不過諗住比個機會試下，以後都係唔好搞。