30
Jul
嫲嫲同朗朗講，搵婆婆飲茶，朗朗話「婆婆買車車，媽咪鬧。」又話「飲可樂，媽咪鬧。」
跟我們出街，朗朗好少扭計買車車，但同婆婆公公飲茶，就幾乎次次帶新車仔回家，每次我同朗朗講，朗朗有好多車車，強調「屋企有」，朗朗只會講「要要要！」，所以要將個道理攤開講：「朗朗有沒有巴士？有沒有的士？有沒有地鐵？有沒有消防車？有沒有救護車？有沒有電車？有沒有火車？有沒有貨車？有沒有可樂車車？有沒有私家車？有沒有跑車？」當朗朗答完有之後，再同朗朗講屋企已經有好多車車，屋企有，不用買。
* * *
睡覺前朗朗想看火車，看完一次又一次要關機睡覺，朗朗說要再看火車，要看火車合體，我問道：「朗朗剛剛有沒有看到火車？有沒有看到火車合體？有沒有看到火車回家？」他答完有之後，再說朗朗已經看過火車，是時候睡覺。講完道理，朗朗仔沒有扭計，乖乖睡覺去。
20:56 on July 30th, 2008
我都覺得同佢地講道理,效果好好多,我想人仔可能覺得跟他們講道理是尊重他們吧,講唔得唔准,只會喊得更拆天。
00:12 on July 31st, 2008
我好鍾意你呢個大義方法呀！！
00:34 on July 31st, 2008
我都開始明白點解佢去到吉之島都唔係成日叫買車,唔係佢唔想買,係因為佢一路睇d車,無法子唔一路講「依個屋企有……依個屋企有……依個屋企有」.今日比大人們發現一架佢無既……又買左喇
14:48 on July 31st, 2008
@藍mama: 係呀，好似真係講得明道理咁。
@aulina: 大個仔唔知仲得唔得呢？
@orangedark: 係呀，買到屋企乜都有，可以唔買。