15
May
我想這幾天很難去避開有關四川大地震的消息，每當看到新聞(甚至BT 日劇字幕也為死者哀悼)，一幕一幕令人傷心的情境，心情很難過。
在此時，閱報或在網上，看到一些所謂的「天譴論」，覺得這說法十分不仁，要是上天要譴責的話，也應譴責只一小撮人士。你要罵共產黨，文章可以大寫特寫，何必要踐踏著過萬條生命去罵？死者是無辜的。
我不知怎去形容感受，不忿他們所說的話，同時應到心寒，想借用中共現代漢語舒發，我的民族感情被傷害了。
與此同時，看到「國際緊急援助隊」四川出陣的消息，希望國際援助可以帶來一點曙光。
00:06 on May 16th, 2008
這個說法在此時此刻似乎略有抽水之嫌，不過也未必是全部都立壞心賜的。（當然更不排除這個可能。）
00:24 on May 16th, 2008
@lewis: 「天譴論」抽晒宗教的水，更屈了過萬名死者的機。大部份死者被活埋時，他們在電腦前食住花生寫「天譴論」。
03:06 on May 16th, 2008
不要忘記緬甸災民！
緬甸災民死亡人數大約在 68,833 與 127,990 之間
四川災民死亡人數大約在 18,650 與 40,850 之間
四川與緬甸. 相同的時間, 相同的天災, 不同的報導.
請援助緬甸災民. 謝謝你.
03:15 on May 16th, 2008
根據歷史，「天譴論」既講法都唔係解唔通，因為歷朝既所謂「天譴」真係應係人民身上，而非領導者身上
但無論係「天譴論」又好、「失職論」又好，係呢個時候講，真係唔容易令人接受
不過，我見倒溫總個樣就幾火滾！
03:30 on May 16th, 2008
緬甸真係隱形了，不過，希望快些同時間競賽
「天譴論」的人忽上腦了。很惋惜
11:07 on May 16th, 2008
@14k: 相比起來，四川有份血濃於水的民族感情，感受深刻得多，但不等如我沒有忘記還捐款給緬甸。
@Darkman: 係，天災後通常政權顛覆嘛，不過今次中共似乎幾得人心，災後繼續一遍昇平，不會問責的了。
@小奧: 緬甸的軍政府無得救，你說得對，「天譴論」的人係忽上腦。
13:40 on May 16th, 2008
吊詭的是在地震前一日，中共還是站在緬甸軍政府的一方，拒絕國際救援隊施援；要是早點接受救援隊早點到四川，事情會如何？
13:44 on May 16th, 2008
加多一句，如果我係緬甸災民，會話呢次係「天譴」…..唉。
13:51 on May 16th, 2008
@T: 中央話道理未通嘛，仆到去無路入又係問題。緬甸軍政府仲照搞公投，希望個天真係修理下軍政府。
14:03 on May 16th, 2008
路路暢通先得，傳Ｘ火咩？！Ｘ火都用飛機運啦！呢個解釋恕難接受。。
14:24 on May 16th, 2008
@T: 計埋天氣惡劣，餘震威脅呢。
15:23 on May 16th, 2008
其實天氣各樣理由真係講唔通，世界上各國軍隊中既各級作戰訓練，都有惡劣情況下空降為訓練目標，如果打仗係咁，已經可以休矣
平時自己就講到人民子弟兵點叻點勁，一場大災難已經見倒真章，如果領導層有點愛民之心，明知自己唔掂就面對現實，一早向外國求助，日本臺灣南韓美國軍隊唔會差過解放軍吧，中國一國之力根本唔可能有效用係呢次大災難上，何況解放軍+政府呢個組合真係……
我慶，就係呢樣野！
18:32 on May 16th, 2008
@Darkman: 明晒黑人兄講乜！咁又係，打仗都唔安全得去邊。
00:52 on May 18th, 2008
看到黑人兄所言，我曾同樣跟大陸所謂友人一提，被人大罵不了解中國軍人能力和你地d香港人了解幾多…..到【操】都出堆。
甘自此一役，我會跟大陸所謂友人更加保持距離。
原來你當他們兄弟，他們已經心中當香港人契弟…..
我們已經是中國人心中的【港燦】。
一班國門都未踏出過的人去大罵沒有新聞過濾地方長大的人，真係幾搞野。
01:29 on May 18th, 2008
@katana: 唉，講技術一定唔夠台灣日本，有好多野唔係人多就成功。
03:09 on May 18th, 2008
三天後先給外隊進入境，就是官僚，根本沒有人敢點頭出來話事，驚上面唔鍾意，不如拖延一下看風。
所以終於要中央最大粒的二位來前線鎮壓官僚先至有些似人做的反應。
唉，中國官場，根本沒有共產黨過，一直千百年不改變。
地方清官一早被清除了，只剩貪官和狗官。
難得是百姓習以為常，覺得生活好了便心滿意足。
如今一役，更真是活著便是好了……嗚~~
10:31 on May 18th, 2008
記住，獨裁政府的要義，都係：所有決定、政策、行動，都以鞏固自己的決力為先。頭三日唔Block咗外國的救援，點有十萬解放軍人民子弟民的動人奇景呀？！飛機扔啲救援物資落嚟，點Capture災民話「黨對我哋真係好」呢句Soundbite?!放咗日本仔入嚟，話「日本仔對我哋真係好」，點算？！
呢啲就係PR,就係統戰，思想教育呀，不過係搵較人民條命較飛，對住呢班宣傳機器要時刻保持清醒。再諗真Ｄ，點解咁多豆腐渣，點解咁多個億去金沙…..
12:22 on May 19th, 2008
豆腐渣最終害了下一代，唉。不過又咁講，山區窮地辦學艱苦，無錢經營，執行上會粗糙，唔可以一言以蔽之嘅。