30
Apr
北京奧運舉行在即，聖火亦已抵達香港，星期五就是傳遞聖火的活動，可是，昨日公佈的火炬手名單，叫人好不納悶。
「政治應與奧運會分開」這句說話，上至聯合國秘書長潘基文，下至成龍都說著同一句說話，如果要確實地執行「政治應與奧運會分開」，香港的火炬手名單，豈不是已經侵犯了「政治應與奧運會分開」精神？
名單上除了體育界別人士之外，其中不泛商界政界裡親中的達官貴人，如果火炬手名單真是如霍震霆所說是「香港社會縮影」，為甚麼不多加幾個民間組織的成員？ 就連中央電視台也辦個「你就是火炬手」的節目鼓勵民眾報名，實行全民參與，為甚麼香港的名單只是另一次「小圈子派對」？一面叫喊「政治應與奧運會分開」，一面卻赤裸裸上演「政治與奧運會混合騷」，真教人無法信服啊！
聖火抵港，本來心情是蠻興奮的，但看到香港辦得這麼「肉酸」就真的無法投入，愛國是要發自內心，不是穿穿紅衣就叫支持。
18:43 on April 30th, 2008
係咪肉酸就唔知道, 因為無比較.
如果睇返之前個十九幾條路線同火把手, 好可能世界各地一樣係咁肉酸, 之不過今次既路線放左係你門口, 你先發覺佢地特別樣衰姐.
又就算我發自內心咁愛國, 個日我唔覺意著件黑杉/橙杉去到大叫大罵, 一樣會俾人話我係賣國賊, 所以你老細叫我著紅杉, 都係為左我健康著想姐.
22:24 on April 30th, 2008
@arthurson: 咩無得比呀，不用說如果可能，我份人講實據，你睇下坎培拉的安排，公關手段之高，令人無話可說啦。比人話賣外賊又點？人地話自己係就真係嘅咩？不要跟那些人一般見識好了。
23:01 on April 30th, 2008
以網誌傳遞虛擬聖火…
打開報紙，扭開電視，有關奧運聖火的新聞不絕於耳。《聞.見.思.錄》的Alex 說西藏問題不好說，我就更是不懂也不敢亂說。撇開敏感又富爭議性的示威活動，火炬傳送的活動依然令我感到…..
09:32 on May 1st, 2008
唔使咁慶, 呀媽媽你要明白, 中國係一個突然富貴既國家, 成一暴發戶黎, 乜都用錢打人, 真係傾計無錢無計傾. 咁我地香港家陣靠呀公食飯嘛, 大家唯有習慣下囉.
就算係比, 都應該拎返40年前既list黎比嘛.
19:07 on May 1st, 2008
@arthurson: 我倒是覺得擦錯鞋，無叫佢做的就做到足，例如港府屈高志朗父子機。另，找回四十四年前的聖火傳遞訪問你睇，我無講錯，今次個名單真係好肉酸！