My Life as Open Source

近日國內掀起一片反法之聲，稱謂法國企業曾資助達賴喇嘛搞藏獨活動，企圖分化中國政府和中國人民，傷害中國人民的民族感情，中國人民不可欺，不可辱，但凡做出傷害中國人民感情的事情是要付出沉重代價的！敝見民間反法情緒在北京、上海、武漢等大城市發酵，許多民眾自發地到家樂福等法資企業商家門前，抗議法國在對待奧運以及西藏問題上的態度。小的被民眾的愛國熱情感動得說不出話來，撫心自問有甚麼可以供獻國家，反法扶華？

余作為一名「心繫家國」的香港人，昨與一眾愛國同志商量如何為國家做點事，香港作為亞洲國際都會，香港人長期受法國文化荼毒，對法蘭西的邪惡有更深切的理解，可當反法領頭，一致決定要帶領同胞進入高層次反法！！！這個討論參與的同志有公園仔，Peter，Ray，電鋸，Stannum 和本人，本文內容經整理，對於各位過往擁抱法國文化的間諜，剌探敵情，深入敵陣，同志，我向你敬禮！

反法挺華攻略可分為以下幾項：

強硬的經濟手碗：

• 「香港人其實最愛國，多年前我地已經抵制家樂福至佢摺埋」(編者按：此棒今後交給大陸同胞辦事！)
• 「買紅酒無問題，更應升格收購法國所有酒莊，等班法國佬做農奴，到時張五常可推出填農理論2.0」
• 「CNN 好似有上市架，叫阿爺敵意收購佢囉，成功之後就加入張立，曾獻子做主持」
• 「全方位反法啦，至少要罷買法興窩輪，同討伐趙海珠，因她是法興輪代言人」
• 「法興法巴百富勤，都要反」

飲食方面：

• 「法蘭西多士就叫sccc. socialism with chinese characteristics toast」
• 「唔好飲鮮奶，堅持飲鮮榨奶！因為巴士德係法國人！ 」
• 「強迫中環果一大堆法國餐廳轉賣湖南菜」
• 「罷飲軒尼斯，齊齊飲青島。」

正名行動：

• 「反對同事三分親成日題祖與占這套由法寇開拍的電影，應改名為「澤東與錦濤」或「科學與發展」
• 「反對港大醫學院 tim, 有個巴士德研究所！叫做曾燕子研究所，佢愛國無人能及。」
• 「咁落去陳法蓉同陳法拉都算phase2, 因為改壞名，改造成陳華蓉 陳華拉」
• 「清拆尚提！尚乜春野提！」
• 「炸左港島東的逸x 灣，佢個法文名深到唔識串，而且仲係萬惡的英資財團策劃，炸Q左之後撥作港島東的公共空間」
• 「羅浮宮婚紗要正名人民婚紗攝影」

思想改造，要一心一意愛國愛黨，向帝國主義說不的行動：

• 「french may 今年開始停辦，改辦赤色追擊十月」
• 「燉境成直頭要連夜抄李察伍的家，再將佢送上湖南地方法院公審」
• 「唔可以學法人浪漫，要粗暴夾硬來，霸王硬上弓。」
• 「背月銘這個戀法媚外的設計師都應該遠禁，主要係果舊玻璃野。話唔定佢泄漏左唔少國家機密。」
• 「伍詠微公然歌訟拉吐熱啡，應該與泛民同一對待，沒收回鄉證。」
• 「伍的大佬係LV 的VIP，抄佢家！重要開補習社誤人子弟。拿拿臨關閉左佢，由 June & 碌七改名做 Marx & Lenin.同時亦都保障會考公平 tim.」
• 「MC Yan ，去法蘭西讀書讀到西晒，返到香港噴人又噴到人唔舒服。」
• 「批鬥賣黑啦，佢長住法國幾乎係法國通，佢仲唔係毒草黑五類牛鬼蛇神!!! 」
• 「高價買法國第一夫人全相照片，然後四圍貼」

生活習慣改革：

• 「就黎死都唔好用雙飛人藥水。」
• 「洗衣機都由法國唔知乜春牌子轉用祖國海爾，連洗底褲都實踐愛國」

人文生活改革：

• 「鄧伯是深入敵陣,認清敵我矛盾,我們手頭鬆動時都應該學他一樣來一個環法遊也」
• 「看法國片是刺探敵情，揸法國車為了研究敵方科技」
• 「歌劇改上革命劇紅燈記，仲要搵晒法國人做地主等奸角」
• 「應該約埋一個星期六燒杜魯福高達翻版dvd」
• 「罷睇sofia coppola，好人好姐走去拍瑪麗皇后歌頌墮落貴族生活！」
• 「唔聽 Émilie Simon」

各位朋友，不妨選下邊句最絕和估下誰是作者！