29
Nov
一向我以自己的意志力之強引以為榮，(從前)要減肥時只要不吃零食甜食外加運動便可輕鬆減鎊，不吃就不吃，吃了就全功盡廢，面對任何引誘時心裡告訴自己，是以，生產那所謂的「十級劇痛」也是用意志力外加笑氣和一劑止痛針挨過，其實生產並不痛，有經痛的女生相信更易過關，只是待產期間的陣產既漫長又急促才是辛苦。廢話講完，入正題。
最近天氣涼了大半截，朗朗仔改了白天洗澡，之前晚上洗澡時，他最愛掉紗巾到浴缸，每次濕透的紗巾掉進浴缸發出「洞」一聲的回音，朗朗便卡卡大笑起來，他很壞，掉了紗巾要我執起再掉，我不理，朗朗於是就著急地「媽媽呀！」、「嫲媽呀！」叫我，他媽媽呀媽媽呀的叫，聽到我心好甜好甜，聽到我心花怒放，聽到我失魂落魄，乖乖地捬身執起紗巾讓他掉完又掉，縱使我的腰已開始痛，還是希望聽到他大笑後再叫媽媽。每次他叫我媽媽，無論是在街上要抱或要坐在我膝上玩電腦，我便有如中了太上老君急急如律令的敕，乖乖的聽他指點，得承認，這是我的弱點。
另一個弱點就是「奶奶」，出差回來後我只有早晚餵奶，最近上班時間有變，早上出門時朗朗還未醒，所以只得晚上餵，有時出門前他剛好醒來，一看見我他便抱著說「奶奶」，唉！明明要遲了，我還是不忍心的抱起他餵奶，等他食過奶後再跟我說再見。有一晚朗朗食完飯仔後，竟然抱住我說要奶奶，我安慰他說要睡覺時才食奶奶，結果他扭來扭來，不停說奶奶，我的心軟起來，給他食奶奶，原來他睏，要睡覺，每晚睡前食奶奶是長久以來的習慣，所以不停說奶奶。孩子說要奶奶，做媽的真不忍心呀！唉！這個便成為我的「弱點」了。
22:49 on November 29th, 2007
“孩子說要奶奶，做媽的真不忍心呀！”
因為有body chemistry呀，真係非為外人道啊。
10:07 on November 30th, 2007
好明白呀. 早兩日響必必面前換衫, 光脫脫, 佢忽然”哈”咁指住奶頭, 好開心咁咿咿呀呀, 我即時傻到以為佢記得飲奶既快樂時光丫.
而家佢都唔係太識叫mama, 但只要幾聲哭叫, 狀甚可憐咁, 我都會忍唔住抱. 老公話我縱壞佢, 下, 真係?? 但我真係好想抱喎…
10:44 on November 30th, 2007
餵奶期經常覺得自己除咗係人肉奶樽，亦係pacifier… 我兩個細路冇用過奶嘴，所以嘴仔好靚。:)
18:36 on November 30th, 2007
以前都唔知d’媽媽’聲原來咁好聽!
呢d弱點咁sweet,弱d都唔怕啦!
08:07 on December 1st, 2007
天天識叫媽媽,但只在出現他驚驚要我安慰同要食奶奶時先會叫,其他時間,只肯叫爸爸!
哈,但我樂透喎,因為…好似我重要dd咁!!
會唔會試吓早上叫醒佢食一轉奶先返工呀,咪由佢再瞓囉.我返早就會咁做,到8點半度就叫亞媽俾包冰奶佢食多餐!
弱點…亞媽無論邊忽,都係個仔嘅弱點啦!
11:59 on December 1st, 2007
阿四：係呀！特別係朗朗已經可以唔食都得嘅時間，所以佢一叫我都會比架！
怒火：佢可能真係記得架，只不過係幾個月前嘅事之嘛。抱啦抱多d 都唔怕，適當回應孩子需要不是寵。
aulina：朗朗都係無食奶嘴，可能有我所以唔食卦？
藍mama：之唔係！媽媽聲真係唔怕多聽！
巧欣：不吵醒他了，讓他多睡一點算。有時佢醒左都未必要食媽咪奶奶。