3
Aug
睇今期壹仔(908 期) 優質生活的「玩物壯志」專題報導講「唉瘋」，其中上圖呢位姐姐，遭遇真係可以上「警訊」呼籲一下市民小心買機，要注意該款手機的「真正功能」，不要盡信店員吹噓，切勿一時貪快，「鑄成大錯」。看本篇文，需要配樂才有效果，特意送上iPhone 廣告歌Perfect Morning。
馬會公關，恨買iPhone 恨到傻。香港未用得，換手機時都要揀似iPhone產品，鑄成大錯。一見到iPhone，就知道一定會買。雖然未掂過真機，但上網睇過touch screen示範短片，好型！
終於等到六月中，心情好興奮，但好衰唔衰，關鍵時刻竟然失魂跌電話。諗住捱到月底水貨iPhone 到港，點知全部朋友嗌唔好，話解唔到鎖香港就用唔著，唯有打消念頭。
老實講，就算iPhone 解到鎖，中間成兩個禮拜真空期，都要搵部手機頂檔。的起心肝去買機，一早揀定Sony Ericsson W880i，點知入到鋪售貨員硬銷HTC Touch，一句話部機似足iPhone 用指控，即刻點中死穴，加上部機不過三千幾，試都冇試真就扑鎚買機。
用落先呻笨，屏幕感應麻麻，手寫短訊最痛苦，每一筆畫都要好大力慢慢寫先認到，太快sense 唔切，一筆會斷開幾截，部機運作又煩又慢，到而家都未識設定Wi-Fi，連MSN都上唔到，唉……iPhone解到鎖，我一定轉機！
02:16 on August 4th, 2007
唔計似唔似 iPhone ，部 HTC touch 都唔係好野，又一個上左當咯！
09:46 on August 4th, 2007
“你有無見過人好似我咁xx?”
10:02 on August 4th, 2007
今日行過報灘，見到一本手機雜誌個大標題係「HTC Touch - 更勝iPhone」….
荷蘭銀行小切手…
14:00 on August 4th, 2007
有位我嘅老友問買唔買HTC Phone，我咁答佢：
Windows Mobile，一個會hang機嘅手機作業系統，你敢用？有乜冬瓜豆腐唔好後悔。
條友當堂乖乖等真iPhone。
香港成班腦記膠，吹捧M$嘅膠嘢完全不知羞恥，無救。
（所以我長期鬧爆同丙爆腦記，就係咁解）
16:34 on August 6th, 2007
>「HTC Touch - 更勝iPhone」!?
等我睇下佢點吹先。