28
Jul
星期四朗朗流鼻水和咳咳，看過大夫，服過藥後病情沒有好轉，星期五晚咳嗽得很嚴重，每次咳完他沒有力的在我懷內喘氣，狀甚可憐，唯一慶幸是每次埋身餵完後他就會乖乖地睡。昨晚我幾乎沒有睡過，一來緊張，二來擔心，跟網友在twitter 上吹了兩句水。時間才容易過一點。
朗朗的感冒傳染給嫲嫲，兩嫲孫一齊發燒，嫲嫲39 度，朗朗38 度，今早我們各自去看大夫，九時半去到區內「兒科大國手」登記，但預約的人太多，大概要等到十二點才輪得到，我們唯有看原本的大夫(當然，他是兒科聖手)，但輪候的人也不少，差不多要十一點才見大夫。朗朗不喜歡被檢查，哭得很厲害，情急智生，我將記得的披頭四歌都啍出來安慰他，如果你覺得索拉奇藝坊的The Beatles Love 混歌混得很出色，我可以肯定我唱得比它更psychedelic！
拿好藥回到家已十一時半了，我們都不好受。
服過今次的藥，流鼻水和咳咳已經止了，副作用是完全沒有胃口，朗朗仔唯一肯食的是少量粥和媽媽奶，我能做的就是：古有「惠康聖誕大特賣」，今有「媽媽奶週末放題」，平日愛飲水的他，因為口淡，變了滴水不沾，幸好媽媽奶有充足水份，至少不會脫水。所以今日都餵得幾密，有點吃不消。記得之前看過nursing a sick child 的資料，想不到今次被它寫中晒。
白天朗朗的精神不錯，黃昏我們去公園走走，晚上服藥後就一直睡，平日充滿朗朗笑聲的屋企，今晚顯得格外冷清。
* * *
我覺得今日我像一個大人，因為我全程表現堅強，沒有流過眼淚。哈哈！
23:32 on July 28th, 2007
最近傷風感冒菌好勁呀,我同老公都輪住病,你同朗朗爸爸都要保重呀!
BTW,朗朗仔最近好似病多左,係咪到了1歲的BB係咁嘅呢?你一定好担心又肉赤啦!希望佢可以快D好番,仲要足嬤嬤早日康復啊!
02:25 on July 29th, 2007
希望朗朗仔快啲快啲快啲再快啲……好番！朗朗媽媽自己都要Take Care huh!!!
12:26 on July 29th, 2007
有媽媽奶,你同朗朗仔都好幸福.
同朗朗仔去完街有無同佢地洗手?尤其去完公園玩,佢地d手仔成日周圍摸,轉頭又放落口(朗朗仔唔知有無,藍藍就成日都係咁).
>我覺得今日我像一個大人，因為我全程表現堅強，沒有流過眼淚。
試過好幾次,見藍藍poo 得好辛苦而喊.我覺得做左人呀媽,堅強係其中一樣學識嘅野.
13:28 on July 29th, 2007
祝願朗朗早日康復。
10:21 on July 30th, 2007
get well soon (or already 無事喇?) bb有病時更覺得母乳能滿足多種需要，今日有無請日假抖下?
16:41 on July 30th, 2007
祝早日康復啦. 朗朗食左咁耐母乳, 底子好, 一定好快好番.