23
Jul
兩日假期過得好充實。
星期六下午去香港母乳育嬰協會的辦公室，交流一下如何在香港推動母乳餵哺，暫時問題最主要是在私營醫療機構，例如婦科醫生不主動跟孕婦說母乳餵哺的好處及人工餵養的風險，私家醫院限制媽媽在二十四小時內只有四次哺乳機會、沒有讓well-born 嬰兒出世後首小時內哺乳等等，這些因素對母乳餵哺非常不利，我們希望可以改善一下，在會上聽到每位媽媽的遭遇，成功的例子步要靠BB 的努力，家人的支持同醫護人員的協助，雖然跟十多年前相比，政府已經行了一大步，但在私營機構的領域，似乎沒有改進。
回程的時候我們順道去買生果，我順手給了他一隻細的蘋果，他很喜歡食，明明只是咬了一點皮也很開心，足足咬了半邊也不放手，最後還抱著蘋果睡著。那隻細蘋果叫Pink Lady，味道很清甜，下次要買多一點。講開蘋果，為甚麼香港不見Macintosh 種？
星期日則是0607 一歲派對，朗朗從未如此癲過，我們參加爬行比賽，未開始時他就爬出去，開始後見人多便膽怯，我用匙更引他才爬，因為起步慢了，沒法入複賽。朗朗真的很怕羞，姨姨們跟他打招呼又怕，牛丁Cara 鍚他又怕，我真是沒他辦法，只好不停笑他鄉下蟲。玩了三個多小時，回程時已睡著，睡了差不多三小時覺，我都係。
08:41 on July 24th, 2007
你真係一個積極既母乳媽媽, 非常佩服
朗朗幾好喎, 玩三粒鐘可以訓番三粒, 咁你都有得休息. 我就慘, 必必玩三粒訓, 好多時都係訓一粒甚至九個字, 精力充沛.
10:02 on July 24th, 2007
私家醫院只是表面提倡母乳,姑娘係鼓勵d媽咪餵,教佢地點做,但係執行時死板嘅規例阻手阻腳,猛叫d媽媽補奶,餵奶時間完就趕d媽媽走,講同做完全唔配合!
你真係好有心推動母乳,加油!
13:11 on July 24th, 2007
真係推動母乳的中堅份子!佩服!
我完全同意藍mama嘅講法,因為我便是在私家醫院生天天,佢地真頭一模一樣地講呢噃說話,又話你生完都要休息啦,補吓奶粉你先可以逗架,跟住又話你個bb黄胆喎,你係咪唔夠奶呀,不如補奶粉等佢飲多d水份啦…
最慘係唔可以瞓住餵奶,我d朋友話政府生仔,bb會瞓在媽咪隔離,要餵時可以即刻餵,又可以瞓住餵,我覺得好呀!
17:41 on July 24th, 2007
因為我以前得到協會的義工幫助，所以我要出一點力，pay it forward.
哎呀！係呀！中晒呀！私家醫院護士叫人揀一隻奶粉，又話你餵人奶都未有咁快有奶比BB，揀隻啦。簡直係令人髮指！
沙士之後就唔係間間政府都比母嬰同室，瑪麗有，但東區醫院只會推BB 比你(未落得床時)。