20
Jul
星期四下午帶朗朗到健康院檢查，磅豬的時候他不願坐在磅上，攬著嫲嫲死不放手，我們沒辦法，唯有讓他躺著過磅，他發脾氣大哭，嚇得另一個小朋友也跟著哭。Orz
過一過磅，朗朗體重10.55 KG，剛好比出世時的體重增加了7 KG。身高就是78CM，係一隻大番薯。看回手冊的紀錄，第一次造訪健康院是7 月19日，今年的7 月19 日，我們又是到健康院，不過心情就截然不同了，一年前我懷著忐忑不安的心情，心驚肉顫的看著醫生檢查朗朗，然後向我說出朗朗有一點黃疸的事實，隔日後需要再回去檢查。嚇得我回家後不敢怠慢，每兩小時就拍醒朗朗仔食奶。
我們以為朗朗每日去兩次街算是「見慣場面」，不過到了見姑娘時他還是很害羞，又攬著嫲嫲死不放手，幸好姑娘給他兩塊積木給他玩，緩和一下氣氛，三個發展測試輕易做完了，但最後朗朗還是不太喜歡姑娘看著他。
最後一役是打針，丫一聲就打完了。
去完健康院，時候尚早，我們去了吉豬島玩一玩，晚上到太古城跟公公婆婆姨姨一起食飯。
咁又一日。
09:00 on July 21st, 2007
朗朗仔打針都係丫一聲咋?d姑娘仲話隻MMR連大人打都會覺得痺!
23:17 on July 21st, 2007
丫完之後有唔開心架，因為佢唔鐘意我地捉實佢。乜枝針咁勁架？朗朗打完之後就要落地行喇。
11:01 on July 23rd, 2007
番去檢查係咪好開心呢, 好似又過一關咁.
丫你會打埋水痘針嘛?
15:52 on July 23rd, 2007
係呀，每次去完健康院都好開心！你係咪去北角柏立基？我係去呢間。
水痘針？會呀，不過就遲少少先(歲半前打)，打左就算出都無咁辛苦。
08:38 on July 24th, 2007
係呀, 我都係呢間. 大肚時就去西灣河果間.
我諗住同日打埋, 唔駛喊多次. 姑娘話一係同一日, 否則要隔一個月. 睇必必到時狀態啦
13:13 on July 24th, 2007
依家d bb都好叻,打針吖一聲就攪掂!!