鏗鏘集「最好的配方」出街後，在BK 討論區看到一則投訴，指節目內容誤導觀眾，會令餵奶粉的媽咪會內疚和感到被歧視，而且已發至廣管局。囧rz
很難得才有電視節目講述母乳育嬰的好處，如果講一下好處都叫誤導，那麼排山倒海的奶粉廣告不是更加誤導大眾嗎？廣告聲言營養豐富，飲得多會更精靈，不是更有歧視餵人奶的媽咪之嫌嗎？我想問問大家，從電視上可看到的宣傳，是講母乳的多還是奶粉的多呢？
投訴者聲言支持餵母乳，她看到菲律賓媽媽花大量金錢去買「進口奶粉」，目的是希望女兒長大後會聰明一點，看到這樣的故事，難道她不會感到心痛嗎？不覺得奶粉商的渲染很過份和可恥嗎？她看到菲律賓有嬰兒會進食受污染的奶粉，難道她不會感到難過嗎？投訴者自己餵不成，總希望其他人會餵得成功，甚至社會上即使不是父母的人士知道母乳的好處，從而造福下一代吧？
我真是不明白為何有些人看電視可以將資訊錯誤接收，節目有說餵奶粉有害處嗎？我想起Jacky 早前的一篇「非黑即白」，即使只是說母乳的好處，人們只會覺得你在歧視餵奶粉的媽咪。
P.S 我很討厭「歧視」這兩個字及其行為，因為指責他人歧視是個很嚴重的指控，所以我會很小心地去使用，但我發現很多人都濫用。
P.P.S Stat page 為我帶來投訴人的參與的BBS。
* * *
港台記者回應：
當日今日：各位媽媽,
我是【鏘鏗集】”最好的配方”的編導。有些母親覺得節目歧視了無餵人奶既媽媽,我感到很難過。我本身亦是兩位小朋友的媽媽。我的BB有食人奶，亦有食奶粉。本人完全明白媽媽選擇不餵人奶是有很多原因及客觀因素所影響。製作這個節目完全沒有意圖貶低奶粉的價值或用途，我只是想指出奶粉商一些不當的行為，亦希望那些條件許可的媽媽可以餵耐D人奶及希望社會上一般人對人奶有一個清楚一些的認識，從而造做一個更好的環境，讓更多人可以餵哺母乳。
本集的切入點是以指出奶粉商一些不道德的推銷手法為骨幹。以菲律賓作為一個例子不是要將香港作出比較，而是希望帶出一個更大的問題：就是一些跨國企業對發展中國家的欺壓和令社會明白餵哺母乳是一個公共衛生的問題。
我不認為節目偏激，但我認同此題材對我來說是身同感受。回想我生第一胎的時候，BB出院兩個月都是有黃疸，健康院的醫護人員不斷說我不應因小小黃疸而不餵人奶；另一邊廂，我媽媽又不斷怪責我拿自己辛苦，又令BB辛苦，個個星期進出健康院，當時自己也不斷在爭扎應給 bb奶粉還是人奶。最後，因為無奶的原故而改餵了奶粉。我當時轉奶粉，的確有少少受奶粉BB會的誤導及我媽媽不斷說:”你也是奶粉餵大”的一套的影響。
當我有了第二胎後，才明白BB出生後最頭幾日餵奶的技巧和經驗及媽媽保持心情不緊張原來是對奶源的多少起作一個非常重要的因素。而有了第一次的經驗，令我明白到其實大多數媽媽都是有奶的，但很可能因為我們的上一代沒有餵人奶的經驗，導致當我們做媽媽時，很多餵人奶的技巧都得不到傳授。第二個BB今次可以全人奶餵到3個月，可是，及後又因返工後第一項工作就要出差兩星期而不得不斷奶。所以我是完全明白現今媽媽之苦。
當我決定以人奶及奶粉作題材時，我想:如果有些觀眾如我阿媽睇左個節目，能明白多d人奶的營養不是比奶粉差，她可能會給予多一d支持,少一點冷水；如果一些觀眾如我上司明白餵人奶其實對社會、對BB、對媽媽都有好處，上司們遇到一個餵人奶的員工，會否有多了認識而給她多一些體諒呢? 如果大眾知道了奶粉商一些不道德的推銷手法，會否令奶粉商檢點一些呢?醫生睇了後，會否不再為奶粉商間接宣傳呢? 如果準媽媽看了節目後，會否加強了她餵人奶的決心呢?仲有就是那些仍俾緊5-6歲幼兒飲成3-4杯奶粉奶的媽媽反思小朋友係咪要飲咁多奶粉奶呢?是不是廣告令她們相信偏食兒就要飲奶粉呢………..可能真是掛一漏萬，沒有預計到會令一些餵奶粉媽媽的不滿。我希望你們明白我不是針對你們。
- 2008: 奇片共賞：IT 達人の悲劇(3)
- 2006: 寶寶要來了(45)
- 2005: 遲了廿九年(0)
- 2005: Just do the survey, man(0)
- 2005: 澳貝龍村的回憶 - 洋人說廣東話(6)
- 2005: 求救！請台灣網友賜教(8)
- 2002: The Graceful ardha chandrasana pose(0)
- 2001: 羅馬(0)
05:00 on July 12th, 2007
BK 我間中也有去睇下的. 其實我覺得那裡真是個名符其實的師奶 forum.. 那邊的好多人都不用腦思考. 我曾經見到有人呼籲投訴講同性戀果集, 仲有人話同性戀係病?! 或許某某藝人樣子唔夠靚又話要投訴 -_-” 如此的例子真係數之不盡.
當然理性的人都有不少,但只用情感思考的人係果度明顯係比較多 (可能係某些人眼中我都是其中一員)
06:15 on July 12th, 2007
係咪又要好似明光社要求正反方來平衡報導？hahaha @@ what a plastic bag!
07:29 on July 12th, 2007
你仲攪埋晒D MacGrass 鼓吹人用Mac狂購Mac的好處，誤導公眾，明顯歧視使用Windows的大多數人，對Windows用戶不公平。我實去平機會、廣管局投訴你，CC埋一份比明光tim，我誓要還Windows用戶一個公道！
07:32 on July 12th, 2007
仲有，你次次介紹Wii game/NDS game，都無同時介紹3DO/PC-FX甚至係Pippen的遊戲，誤導公眾，明顯歧視，對3DO/PC-FX/Pippen玩家不公平，我實去平機會、廣管局投訴你，CC埋一份比明光tim，我誓要還3DO/PC-FX/Pippen玩家一個公道！
08:03 on July 12th, 2007
正念正念：人家愛把自己的蠢窘無知丟人現眼，有鬼得佢囉！
08:51 on July 12th, 2007
真係又好氣好又笑.
點解d人無知得黎又咁熱心既呢,走去投訴, 儼如自己站響正義既一方咁喎.
唔好話我聽廣管局會跟進, 無記要做多輯”奶粉真好”既節目呀.
09:15 on July 12th, 2007
多少OT
話咩奶粉越來越正，bb食左越來越聰明，另一邊家長／學校比起上一代又投入更大量精力同資源培育下一代，對於教育培訓多多理論，兒童心理學，教育心理學，xyz，課程各式其式，又兩文三語，點樣從小做起，對小朋友既行為更加多門分類，管教方法abc，多多口水，最後又點？一樣係一蟹不如一蟹，大中小學水平一直往下走！
再遠d講，對成長既過程，學術上或者理論上，認識係多左，不過咁並唔代表成長過程可以科學咁掌握同控制，d細路唔係實驗室既猩猩或者屋企隻狗。你比a佢食？哎呀，我比左b呀，會唔會出倒唔同結果？！…
重點唔係有幾多係掌握之中，重點係付出愛同責任。
人奶價值普遍被忽視，所以米要鼓吹下，推廣下個價值，等有奶都唔餵，係要用奶粉果d媽媽可以有所選擇…難為大把想餵但係無奶，或者生活迫人餵唔來既媽媽！…咁若然真係咁相信食左奶粉會比人奶無咁聰明既，第日米落多幾分力教d細路囉，條路好長下話！
咁多怨氣既奶粉媽，咁有種應該去研究控告奶粉商啦！
09:18 on July 12th, 2007
> 唔好話我聽廣管局會跟進, 無記要做多輯”奶粉
> 真好”既節目呀
無記實lur飯應，大把廣告！
12:11 on July 12th, 2007
> 無記實lur飯應，大把廣告！
無記兒歌甘曲都係Abbott sponsor啦。
晚黑大景Wyeth廣告。
我反而懷念細細個睇Klim（克寧,倒轉寫的Milk）的廣告。原本係紅十字會都promote用，不過最近Klim被Nestle收購左，變晒GM，我估無乜奶媽敢餵。
13:56 on July 12th, 2007
唉… 咁得閒都有架.
諗下放暑假去邊度玩好過啦.
16:49 on July 12th, 2007
Till La Ma: 其實唔同類型的論壇都會係咁, 有一大棚膠人夾一d 理性d 嘅人. BK 就一定係師奶集中地啦,講親子點唔師奶喎, 而且我越來越覺得以BK 的年資同用戶層, 可以好似高登咁整個wiki 來收錄歷來的網絡怪談.
小奧: 我唔知佢想點, 不過plastic bag 就一定.
Chainsaw Riot: In that case, 無錯我係最最歧視他人的人. 其實我唔明點解d 人會有咁嘅諗法, 咁叫中肯咩? 中肯乜唔係建議d 人做乜, 而唔係order d 人做乜咩?
aulina: 唉, 有時我都想, 不過真係忍唔到口.
怒火眼晴: 即係佢地唔係完全無知, 但又走錯方向發展, 應該要投訴嘅又唔去. 我諗廣管局都唔會出「強烈勸籲」嘅,又唔係講同性戀。
PK_兄: 你講得啱, 咁多怨氣就去告奶粉商啦. 唉!現在電視已夠多廣告, 仲要整個節目!?
係? 克寧被收購了? 我只知道我幼稚園時飲的奶粉「德寶」已經無左咋。菲律賓官司係雀巢.
千斤田: 佢以後都會唔得閒, 而且要預左一世要去投訴!
17:13 on July 12th, 2007
不如 Recommend 果班友去告 WHO（世胃）、AAP（美兒院）、CDC（疾控） 同埋UNICEF（聯兒）。
http://www.who.int/topics/breastfeeding/en/
http://aappolicy.aappublications.org/cgi/content/abstract/pediatrics;115/2/496
http://www.cdc.gov/breastfeeding/
http://www.unicef.org/programme/breastfeeding/baby.htm
果班友咁有專業知識，安全感同存在感咁低，緊係要告埋呢D大機構exclusively講母乳好處，係歧視餵奶粉先得o架！係覺得自己有理，告到去美國都應該告。
17:24 on July 12th, 2007
重有，要好似羊獸成咁告維基媒體同維基基金會！
http://en.wikipedia.org/wiki/Nestl%C3%A9_boycott
20:00 on July 12th, 2007
BK班友梗係細個飲藥廠嘅奶飲short咗。
單係母乳有天然抗體呢樣優點，人造奶粉左調右調都取代唔到。
正如維他命C，我以往食維他命C片，依家？我寧願每日兩個奇異金果。
20:35 on July 12th, 2007
我藍藍一直係人奶+奶粉,依家無得繼續餵我係感到內疚,內疚無奶比呀仔,佢迫住要食奶粉,完全係出於想俾佢最好而無能力o個種心態.
一直以黎接觸餵緊人奶嘅媽媽(好似nikita,巧欣咁),講起有關話題,從來無覺得佢地餵全人奶我唔係而有壓力,受歧視就更加無,支持同鼓勵就大把.睇左節目後,亦完全唔覺節目歧視我呢d要餵奶粉嘅媽媽.
我覺得呢位媽媽太敏感,呢個節目主題只係針對奶粉商,咁都觸動佢嘅神經,佢同投訴秋天的童話o個位係咪同一個人呢？囧
21:52 on July 12th, 2007
Brest milk is good, I was fed on the stuff as a baby.
Discrimination is indeed a substantially heavy word. I agree.
People who abuses the word, I doubt they even know the effect their action can have on a person. Any international student can tell you. Otherwise, goto Georgia or Alabama disguised as a black person and experience 1st hand what discrimination really means and can do.
01:01 on July 13th, 2007
Chainsaw: 佢係有咁遠大的目標同眼光！？我直頭要科水支持佢告實呢幾間國際機構啦！寫信比食雞珍投訴囉，呢個idea 都唔錯，大家都係康港人，同聲同氣，仲唔使寫英文添。
黃生：你都講得中，有不少人覺得自己都係食奶粉大，所以覺得無問題，更加不幸的係仲去誤會人奶的好處。
藍mama: 你的決定informed choice，而且你都好比心機同愛心去照顧藍藍，都係一種愛的表現呀！有盡過力就可以，係那些人不能接受自己的不成功，繼而對號入座，真係學電鋸講，都唔明點解有人會咁缺乏安全感。
無塵：哈哈，響香港叫佢地扮大陸人或南亞裔人士都會試到被歧視的滋味。不過就未必及美國咁激。
12:51 on July 13th, 2007
我到討論區看到留言了。她們說節目令她們有「心靈創傷」，重提不愉快回憶。我的天呀！我本來也想當會員留言，後來決定作罷。
我兩、三日前差點被車撞倒，原因是四周的違例泊車令我過馬路前無法看到有跑車以高速駛近。至今猶有餘悸。我可否向廣管局控告三色台，說他們在劇集中有車禍場面，引起我的痛苦回憶？
節目只是說奶粉商的宣傳攻勢很厲害，希望有意當母親的嘗試理解母乳的好處，就此而已。
下次有奶奶迫新抱餵奶粉，就有「教育電視」給他們看看。單是新抱仔一個講唔夠聲大，睇睇片，聽聽班醫生點講好唔好？成日都話乜師奶話奶粉好，俾我自已決定得唔得？
連廣告不夠三十分鐘的節目，只是想帶出這個訊息。真的需要找個奶粉媽，持平持平嗎？
12:52 on July 13th, 2007
另一個解釋，就是香港的母親壓力真的很大。只有前四後六，每個人都假設你是萬能，自已又希望當個100分的媽媽，才容易被一個節目「觸動心靈創傷」。
13:27 on July 13th, 2007
可能因為我識o個個媽媽，所以感受又會有d唔同啦，我都回應到差唔多，肯再細心睇人地投訴d乜既都睇咗，只係想借題發揮既我都尊重佢地既自由，要屈人地酸葡萄既又屈咗喇，要話人地無知識既又話咗喇，又表達對奶粉商/政府/社會不滿既又表達咗，我而家等散場咋。
16:27 on July 13th, 2007
個投訴完全撘錯線，個節目根本就冇講過餵奶粉的媽媽半句壞話，重點係奶粉商。
11:09 on July 14th, 2007
diana:正是！單單是餵奶都「觸動心靈創傷」，將來識行識講野，越來越多決定要做，升學問題咪仲大壓力！？
eeb：佢響一個咁巨型的論壇發表咁惹火的言論，有咩後果就要自己負責，怨不得人，你唔好話我知佢expect 成個論壇的人支持佢，佢有權出聲，其他人都可以，呢個世界就係咁。
Clement T：佢仲話人奶粉做到同人奶差不多，呢點都可以說佢已經信晒奶粉商的廣告。完全突出佢的智慧係有幾多！無怪乎會對號入座！
00:56 on July 15th, 2007
藥廠同奶粉商百分百可信，豬曉上樹！
特別雀巢，我過往研究經驗話俾我聽，雀巢好鍾意採購基因改造過嘅嘢，例如Roundup Ready黃豆，你諗到間公司唔話俾你聽奶粉有無GM嘢，已經夠你驚。
因為好多人對科學、科技知一半唔知一半，結果咪俾奶粉公司老點。
01:23 on July 16th, 2007
雀巢整GM food 都通晒天。
d 人嬲，係因為「奶粉營養過剩未必對嬰兒有益」個事實由鏗鏘集講出來，如果講出事實係奶粉商，咁佢地就唔會有咁大的反應。
當然，你同我都知，奶粉商係唔會咁講。
00:09 on January 13th, 2008
很開心看到一個如此正面的推廣喂人奶的資訊，現在的社會是非黑白已經分不清楚，人奶的好處那些喂奶粉的又怎麼會明白？作為2 個孩子的爸爸，我的兒子都是喂人奶的，雖然大人辛苦，但是看到 BB 健康成長，甚麼辛苦都拋之腦后啦