不覺意看了台灣Combi 有關奶瓶的網頁：(linking 都費事！)
對於初為人母的媽媽，肚子裡必定有一拖拉庫的問題，尤其是寶寶出生後的餵奶問題，我要不要餵母奶? 上班後還能繼續餵母奶嗎?若要瓶餵，奶瓶奶嘴又讓怎麼挑?奶瓶材質怎麼挑?奶嘴孔型孔徑怎麼挑?更不用說其他不勝枚舉的周邊用品了。總而言之，就是希望能夠挑選到最適合自己寶寶使用的商品，讓寶寶健健康康地成長。
Combi給媽咪們的健議是，除了可參考醫師意見和書藉資料外；首先第一步就是決定自己是否要哺育母乳，在哺餵母乳之外，是否需同時搭配奶瓶使用。若是需要共同使用，奶嘴的選擇就顯得非常重要，因為，若是使用不適用的奶嘴，將有可能產生母乳混淆，而影響母乳哺餵。
又到我火冒三丈的時候，(請用阿蘇語氣)：錯晒呀！錯晒呀！錯晒呀！
不如sell 埋個奶樽BB 用左會聰明d 讀名校一條龍啦，Combi 的建議係”鱔”人的，而且不利於母乳餵哺，點解？
Newborn 埋身餵母乳，要伸出舌頭刺激乳暈分泌乳汁(這組動作早在newborn 在子宮內時已自我練習)，食奶樽就不同了，只要稍稍用力吮便有奶流出，換言之，newborn 食奶樽食的多，對埋身餵會產生抗拒(因為d 奶出得慢)，形成「乳頭混淆」，英文叫「nipple confusion」，當newborn 不願意埋身餵，媽媽要靠個泵將奶泵出，間接為坐月中的媽媽帶來體力(泵奶是很累人的)同精神壓力(怕泵出來的奶不夠)，再加上家人壓力(嫌麻煩同辛苦)下會慢慢減少母乳餵哺的機會。個事實係，用乜牌子的奶嘴都會有乳頭混淆，影響母乳哺餵。
市面上標榜形狀跟乳頭相似的奶樽，是方便全職 / 在職奶媽教4 wks 以上的嬰兒學習使用。而事實上，滿月後或六個星期大的BB 已經擁有熟練埋身餵的吸吮技巧，不會有「乳頭混淆」。
Newborn 若要補奶粉，以前政府醫院會用杯餵，現在據說因為人手問題，用奶樽餵，但at least 個B 係先埋身餵後再比奶樽，而部份私家醫院仲狗，問都唔問就用奶樽，同d 媽咪講無問題架，d 私家醫生都係一樣，話未聽過「乳頭混淆」，仲話BB refuse to take the breast 係因為「你唔夠奶比佢食所以咪喊囉」，在這些專業人員的專業指導下，結果搞到擔憂的父母更萬分憂心，你話幾冤枉？
唔好話我敏感同激進，參考閱讀：國際母乳代用品銷售守則
當日今日：- 2009: 明天要喪飲維記檸檬茶(3)
- 2008: 馬料水(0)
- 2005: 德國佬買A 貨(1)
16:45 on December 15th, 2006
真的要多方求證,
現時不少醫生都無咩醫德
19:11 on December 15th, 2006
我…曾係受害者之一!!幸好,小兒最後肯埋身食咋!!
btw,頭先新聞話wii(o係日本)要回收手掣喎,你玩o既時候小心啊!!
02:32 on December 16th, 2006
唔好意思，有一排在網上潛咗水，呢兩日先至恢復正常狀態，但係打字仍然係錯字連篇。我手無法寫我心，原因不明。首先多謝你之前的留言安慰。
未看到那段文章的最後一段，都真係好似層層嘅健康常識。你唔點明這個「知識」的問題出在那裡，我都可能會有：「哦，咁就兩樣都教識晒啦、同埋要買番個好似真嘅奶嘴至得。」的想法。
我想信好多人都會覺得篇文章合理，好容易受落。個人粗略分析，佢前設令人有「你班媽咪有疑難，我地可以幫你」嘅信心設定，之後佢寫乜建議，媽媽們都覺得make sense。
堅持母乳育嬰，母嬰健康。
16:17 on December 18th, 2006
Diana，坊間還有不少似是而非的育嬰網站，有空再一一篤出來大罵一番！！！