13
Nov
當初的目標是頭六個月是純母乳餵哺，寶寶已有四個月大，母乳生產線的運作已很順暢，每日生產一包七安半冰奶兩杯七安雪奶之餘，還會多一兩安(套用印刷行業的術語是有run on)，既然有咁多貨，加上唔捨得埋身餵時的溫馨感，我想六個月後繼續餵，餵到無為止。
六個月以後會是另一個挑戰，面對的是生產線可能會放緩以及本地部份家庭醫生會同病人講「人奶六個月後無營養」之迷信觀點；有關nutrition 的問題，先前向陳生查詢過，因我看不少資料沒有此說法，AAP 同細胃話餵到natural wean，好彩陳生解釋「哺乳越耐，礦物質真係會少左o架。這是自然定律，因為係時侯個B要食固體食物補充礦物質。」
簡單來說，有就繼續餵，引入固體食物，均衡飲食就一定夠營養，一樣照餵都無有怕！
當日今日：- 2009: 鄭念女士 R.I.P(2)
- 2008: Google Talk(5)
- 2008: Smart Youtube test post(4)
- 2001: 安全抵步(0)
19:21 on November 13th, 2006
我諗人奶媽媽都係因為想bb健康所以就算辛苦都繼續,我亦同你一樣唔捨得o個種親密感覺,所以即使自己係兼職奶媽,奶量唔太多(真係好羨慕你),更有段時間焦得餵,奶量驟跌,仍堅持到底。有人同我講:你仲餵人奶呀,戒左佢啦!我心諗:闔你嘜事?又唔駛你餵!
我都想餵到無為止,希望奶量唔好咁快無喇。
12:09 on November 14th, 2006
我見其他奶媽通常無六個月後會略跌，不過keep 住餵keep 住泵都會有.
你平日有無定時泵奶? 假期係咪餐餐埋身餵? 宜家發功無問題喎，比藍藍吮多ｄ，家務比晒藍爸爸處理，自己多d 休息，etc…藍藍一日飲幾多餐人奶 / 奶粉？
我在BK 見其他媽咪講一世人無幾多機會可以餵人奶，我深有同感！
01:53 on November 15th, 2006
nikita:
不過，餐餐都飲奶的是阿b，阿媽平日最多試試味，聞聞奶的味道有沒有異味或者變質，但又點知營養成份少咗？是睇阿b的體重、有沒有皮黃骨瘦嗎？很想知道答案。
最近因為工作關係睇到篇資料，話在香港餵母乳的比例只係得1成左右，覺得好震驚，唔知係唔係數據引述出錯。不過睇到有網友話，屋企人唔俾／唔鼓勵佢地餵母乳，因為怕阿媽啱啱生完仔之後辛苦／母乳無營養（！！），就更加震驚。
所以覺得你和其他媽媽有一份堅持（無論是否餵全母乳）很了不起。
可能「倒數」令我乜都驚餐曚，開始擔心touchwood將來有後（因為我諗得好清楚，無打算生啤啤），更擔心touchwood有後之後，又俾屋企人阻止餵母乳。
加油啊！
11:51 on November 15th, 2006
我返工有泵奶,不過工作關係唔可以定時泵,nikita你返工幾時泵一次奶? 我泵奶有時泵得好少咋,唉!
我假期一定埋身餵,不過隻仔有時嫌奶出得慢,啜一陣就唔制,肯啜就可以啜半個鐘左右.
藍藍依家一日食6餐,但有時厭奶,啜完人奶一餐食2-3安左右.
diana,餵人奶唔知bb食幾多,所以要睇bb體重有無增加(要睇番baby growth chart 度bb身高,體重,頭圍),同埋每日濕幾多條片,片片要有番咁上下重量.
16:36 on November 20th, 2006
藍mama：
我每日在lunch break 後約1330 同1730 一次。如果返工忙，唔定時都好，點都要抽時間泵一次，泵奶大過天呀。放工回家後會用medela 的mini 電泵邊餵邊泵，晨早同假日我都會邊餵邊泵架，邊餵邊泵是最佳增加奶量的方法，以前泵三十分鐘先有三四安，現在習慣了，十五分鐘左右就有三四安。
diana：
所謂人奶營養成份少左，如陳生的解答，係自然定律，哺乳越耐，礦物質會越來越少，因為呢個時候，BB 要食solid food。我地做媽咪的係唔知道架。
你說香港餵母乳的比例只係得1成左右，我初到媽媽會報到，大家分享BB 幾耐食一次奶，食咩奶粉，結果成個二十幾人得我一個餵人奶，叫我感到無癮；最近我八到私家醫院對餵母乳的支持度遠低於政府醫院，更難怪很多媽媽會放棄了！
說不定你婚後可能會有生BB 的打算呢，生BB 同湊仔好好玩架，我想每個帶子博客會深有同感吧！