6
Aug
網上日記的其中一個特色，據我的觀察，就是當事人在現實生活中可能表面樂觀健談，一旦在網上隱姓埋名寫網上日記，便不其然把某些事情無限放大，如意不如意也好，也會寫得極其灰暗和悲觀，自怨自哀灰到阿媽都唔認得。電鋸稱這種行為叫「網上嘔泥」。
今日，我也要網上嘔泥。話明網上嘔泥，必定會寫到好灰。唉！
近這一星期白天和晚上寶寶哭鬧特別多，昨晚餵好奶後他躺在我懷內休息，突然掙扎幾下，之後便「喪喊」不停，嚇得我朿手無策，無論怎樣安撫也於是無補，最後驚動了全家，後來寶寶由家姑哄掂。那一刻覺得自己好失敗，除了餵奶換尿布之外便甚麼也不會，挫敗感好重，覺得自己沒有盡過做母親的責任，又要家人照顧寶寶和自己，沒法好好休息。總之自己就是一事無成，寶寶喪喊完後輪到我喪喊，過了一晚還未回復心情。
唉！我真係唔識得做人阿媽。
17:20 on August 6th, 2006
照顧BB真係講經驗架！
話說我細佬大約一歲時有人喊到唔收聲，工人同成家都無佢乎，唔知點解家中老人家抱兩抱就去在廚房搵筷子幫細佬扣喉（大家咪亂學）。
原來我細佬唔知點樣吞左一個一毫子同一塊lego =.=”
嘔左出黎就唔喊。
17:55 on August 6th, 2006
大姐，放心喇，初生小兒夜哭是一定的，只要你忍心一次讓其哭個飽，哭倦便會停，但必須忍心忍受得了。老人家最受不了便抱抱，功虧一簣。
另吹一下，七月可能亦是小兒夜哭，因為就算不是七月，初兒之阿難耶識在作怪，故哭鬧。這是佛教中一些傳言，姑且一聽。
18:51 on August 6th, 2006
[...] 結束這篇「網上嘔泥」的文章之前，為大家帶來我在周五在科木湖出席好友婚禮時所拍的一張相（見下圖）。這對新人的恩愛程度，簡直「滿瀉」，羨煞旁人也! [...]
22:18 on August 6th, 2006
唔洗灰心喎!
老人家經驗豐富, 當然有一手.
有時佢地啲技巧太熟練, 可能內置左, 未必識教你, 試下留意老人家點湊, 會發覺佢地有好多野俾你學.
俾多啲心機”暗”佢, 黑暗既日子好快就會過去! 小兒剛剛兩個月大, 生活已經開始有規律, 知日夜, 現在已可以十一點睡到五點啦!
23:08 on August 6th, 2006
bb學緊做人, 你學緊做媽媽, 太家都要學, 都要人幫, take it easy!
00:26 on August 7th, 2006
>「網上嘔泥」
真核突。
01:00 on August 7th, 2006
agree with katana，要忍心！
02:00 on August 7th, 2006
忍心！？知而難行呀！喊到聲都沙好心痛，又唔知佢乜事喊，又怕佢喊晒d 風入肚。
02:19 on August 7th, 2006
當然唔容易啦，但要成就小朋友甚至 BB ，有時真係要狠少少。
喊有既原因﹕餓、肚痛＜個肚凍唔凍＞、發燒、慣左要人陪、太熱太凍唔舒服。。。有時要估下勒。
喊下無事既，最多。。。會嘔咯！只要食飽唔好喊，其他時間無乜太大問題。
05:54 on August 7th, 2006
實力不足的，用愛心去撘救
08:37 on August 7th, 2006
“忍心”問題. well, 一喊一抱都係一種感情交流, 養bb無理由係學鐵石心腸既過程! 小弟相信所謂忍心, 意思應該係冷靜處理, 唔係唔理.
好多人喜歡suggest bb 喊就抱會縱壞, 不過其實bb 6 個月起先會比人”縱”, 有專家指出 6 個月前, responsive to bb 既需要(全部都透過喊聲表達咁際啦!), 對bb成長後既做人既安全感同人情味, 同母子關係既建立同維繫, 好有益處!
另外, 香港可能唔多強調SIDS既risk, 不過bb喊可以有好多原因, 都係理性冷靜研究學習, 歸納處理方法比較可取!
話bb喊唔好理同respond, 話咁樣bb大個先獨立堅強, 係近代好流行既講法. 小弟覺得呢個講法係serve唔得閒既家長或者嫌煩嫌辛苦既家長, 實在呢個講法係米正確, 睇下今天既兒童青少年係點, 就已經得到證明!
查實嬰兒到小童有幾多年? 第時大個你想佢比你抱, 佢都唔制! 多抱係多福, 最怕好多家庭為兩餐胃口bun chi, 想抱都無時間!
些少認識, 大量愚見, 多多包涵!
14:38 on August 7th, 2006
哎呀我都係咁諗呀。BB 咁細個，眼又矇耳又聾，唯一可以感受到有人疼愛的方法就是抱抱，唔抱好可憐，我又唔怕比人話縱慣晒。我奶奶好鍾意抱佢架，反而我就好少抱。