15
Jun
「熱情的沙漠」終於都告一段落，冬冬講得好，那一幕懷愐過去確是拍得好兼高班，不過看了卻無法令我共鳴，因為他們的下場根本不值同情，而且我都未見過他們在山上曾經幸福快樂地生活過，加上那個阿婆係春分的話，都有點令人難以信服，假設在三十年代末的她約二十歲左右，來到千禧年代應該都有八九十歲卦！？那位阿婆太過精靈了，初時還以為她是春分個女，最後因為她灑骨灰時才估她是春分，如果佘施曼扮阿女扶住阿婆番鄉下，又或是直情化老妝扮阿婆，咁TVB 個討論區便不會出現誰是阿婆的迷團，記者亦不需問佘施曼阿婆是誰。
另一套剛看了大結局的是日劇女系家族，我能長時間忍受悶爆的劇情全因為要捧高島禮子的場，劇中矢島家三姐妹悅目的和服，加上可以溫習快將忘記的敬語，都總算有野好睇，這套電視劇改編自山崎豊子的小說，相比起白色高塔，女系家族少了一點緊張。最終回固然是弱者大反擊，看到飾演情婦的米倉涼子最後母憑子貴，成功分得矢島家一半家產，兼且把流傳五代的女系傳統打散確是大快人心，正當為米倉反擊成功而興奮之際，鏡頭影著推著BB 車的米倉卻露出了陰險奸笑，嘩！呢下認真令人吃驚，一直以來米倉是個單純的弱者，即使最後公開遺書正本也只不過為情夫嘉藏報仇，殊不知原來她一早有此著，而且也說明了做人情婦的通常都有番咁上下奸～
12:30 on June 15th, 2006
女系家族,我居然都有睇1集,就係最後果集,我估last果集應該係最高潮x起,但係都悶到死啊!我真係唔明點降會拍部咁悶的劇集,可能我一直都冇睇,覺得成個故事都好無聊.
我諗我份人都幾老土,同宜家的劇集比,我都係覺得Friends呢d係冇得頂.
13:02 on June 15th, 2006
有無睇鬼嫁?
女系都有睇，都唔係好悶o者。
13:16 on June 15th, 2006
白色巨塔算係近年小弟追到唔訓,仲同friend傾左成個星期的超級日劇,除左劇力十足,入面講醫療腐爛真係一針見血,好厲害!!
14:30 on June 15th, 2006
Friends 係sitcom，唔可以同女系家族比. 加上你又無追開.
女系悶的原因係題材只得爭家產，鬼嫁無睇呀，觀月阿里莎麻麻地啦，不過個男主角好像是猿惠.
我連白色巨塔小說的撈埋，呢套日劇真掂呀！