6
May
昨天去了看靚佬湯擔正的MI:3，呢套戲同 T3 差不多都可說是無乜劇情，開波無耐就不停有爆破場面，用炸彈同槍戰來吸引觀眾的眼球，見到 Maggie Q 做戲覺得幾過癮，佢有幾句廣東話的對白，但發音不太正，有一句像爆粗，不過佢個角色不止是花瓶咁簡單，我覺得佢比靚佬湯條女仲多發揮。
我推測派拉蒙將套戲安排在五月份公映，其實係套戲信心不足，一來五月上的話可以避開暑假的大片，剛剛美國那邊的大學五月已放假，可以吸引到批無野搞的大學生入場，二來五月上的話，勉強可以挨到七月食到小小暑假票房。
下一套想睇的戲是海報型爆的 X3 (我指 X 前有狼人三把刀果張)。
Further reading: 刀中不二的Mission Impossible…
11:37 on May 6th, 2006
都好！橫掂我地揍住BB都唔去得戲院。現在俾你講完都冇興趣睇了，唔使恨！
12:18 on May 6th, 2006
＞＞都好！橫掂我地揍住BB都唔去得戲院。現在俾你講完都冇興趣睇了，唔使恨！
基本上，碟都唔值得買黎睇，嗚嗚！我地兩公婆放低個仔俾岳母大人，駛左幾舊丫，嗚嗚！靚佬場俾番我丫！
我好同意Nikita所講，Maggie Q戲份唔少，但拍到佢幾唔靚下，而果句粗口，係個個入場前期待已久既笑位。
14:07 on May 6th, 2006
哈哈！套戲拍成咁，唉，靚佬場，你不如學我地留響屋企揍BB算啦！
17:53 on May 6th, 2006
靚佬湯都好比心機去拍呢套戲架，無計啦，又多條化骨龍。之不過套戲係Lost 的編劇 JJ Abrams 寫的，差左 d 囉！
18:04 on May 6th, 2006
唉，當年睇完第一集後，大嘆被昆，於是後來第二集也沒有看，也不要說這一集了。
不過睇黎呢部戲都係得半個月貨仔可以賣，兩個禮拜後達文西密碼一出，其他戲應該都要行埋一邊．．．
23:24 on May 9th, 2006
[...] 後記﹕原來Nikita都睇左，唉！等X-3好過，X-3果張海報我都覺得好正。 [...]