Interval 跑10k

螢幕快照 2015-07-15 23.23.10

連續兩日都跑,今早起身,大腳有點累,還好開跑順利,晚上跑雖然無咁熱,但跑到有8 公里大汗到要除衫,最後一路跑到鯉景灣夠10k,好像每次跑10k 都能令人心情暢快,忘卻疲累似的。

今晚的interval 係15 分鐘熱身 + (快跑 + 慢跑 x 3分鐘 x 5) + 15 分鐘cool down。由於有三分鐘慢跑做休息,要快跑三分鐘很輕易應付得到。

午間5k

螢幕快照 2015-07-14 22.57.54

在公司見到同事換衫去跑步,剛好今日都要跑,所以就跟埋去,中環碼頭去中山紀念公園來回一圈,剛好5k。

好在沿路無太陽直曬,無咁熱,但都好熱,跑到4k 左右要除衫。沿途有好多人都跑緊,原來中午呢條路線咁熱鬧!本來今日的訓練係跑40 分鐘,但跑到5k 就無乜力,唯有宣布收工。明天要跑10k,不能粗勞。

熱辣辣的5k

螢幕快照 2015-07-13 23.21.40

星期五晚本要跑tempo run 10k,因為想同老公和朗朗仔食飯,結果偷懶。

星期日本來要跑10k,因為賴床,晚上外出食飯夜左,又跑不成。

結果累積了20k 未跑,今日下午5 點開跑,本打算跑10k 先,點知真係太熱,跑左5k 宣布收隊歸家。

今日行過nike outlet,返左貨有唔少齊碼的減價貨品,結果買左少少野,冬天衫褲有著落了。

頹跑5k

螢幕快照 2015-07-06 17.01.52

昨晚只需要跑30 分鐘,乜都唔理頹跑就得。今次大部份路都在公園,所以沒有人讓路,倒是遇上討厭的爬頭。本來跑步嘅野,當然係實有人跑得快過我,被爬頭可謂家常便飯也,但最討厭有些人,爬頭後便跑在我的前面,阻我去路,通常我都不會客氣,跑快兩步,爬對方頭,再向前衝賣甩對方,實行bye bye 你條尾啦喂!

interval 跑10k

螢幕快照 2015-07-02 00.08.47

星期二晚的interval 訓練是 10 分鐘熱身 + (快跑5 分鐘 + 慢跑3 分鐘) x 5次 + 10 分鐘cool down。

白天在無事忙,前一晚又睡得不好,大半是乏力跑,直到鰂魚涌公園,有風吹,才較精神,有心機完成10k。

Interval 的訓練真是好攞命。

頹跑5k

螢幕快照 2015-06-29 00.12.26

早上賴床,結果晨跑只好變做夜跑。

今次的訓練只需要頹跑30 分鐘,所以沒有在意跑速和步伐,就是一路向東,跑去筲箕灣尾再回頭,來到便利店門口剛好5k,買完汽水坐巴士回家。回程順道去買做早餐的水果。

今天星期日明報的「綠色生活」,訪問了以生果作主食的人,記者說他們大多皮光肉滑,營養師解釋是因為生果含大量維他命C,皮膚因應增生骨膠原和抗氧化,光是有護膚的效果已非常吸引,加上最近在為早餐惆悵,屋企裝修,搬到別處蝸居,麵包機等等廚具沒跟身,每天吃街買的麵包,又乾又硬又無味,才十日已經要投降。看來早餐食士多啤梨蘋果香蕉橙也不錯,都是喜愛的水果!

遇上這篇文太好了!